تكفون واسوني خففوا علي حملت وبنتي عمرها شهرين ونص اللهم لااعتراض

الله يهون عليك حملك ويعينك على تربيتهم 

الله ايعينك يارب
بس اعتقد ان الوحام بيكون اخف من الاول
عن نفسي كل حمل اقل من اللي قبلو
واولادي قريبين في العمر من بعض

والف مبروك هذا هديه من الله افرحي اختي ليش البكاء الله يهديك

احمدي ربك يا اختي على النعمة
ناس كثير يتمنونها
أنا حملت وعمر بنتي 6 شهور
و ولدت عمرها سنة وشهرين
وتربيتهم مع بعض مرة صعبة حفاظات وحليب حق اثنين
كل شيء تشترين اثنين
اجلسي في بيت أهلك في النفاس

الله يعينك أختي
لا جلسة مع زوجك بتتهنين فيها
ولا بتتغدين معه ولا بتطلعين ولا تقدرين تروحين عزايم
بالذات بنت 4 سنوات الله يخليها لك تبقى طفلة
نصيحة قدمي على شغالة تباشر البيت والثياب والمواعين
وانتي اهتمي بالأطفال
ﻷن فعلا ما بتلحقين وبينهد حيلك
في وحدة عندها بنات ثنتين بنفس العمر تقريبا تنومت في المستشفى من الهلاك
ونصيحة ثم نصيحة
بنتك بنت شهرين ونص عوديها من الآن تجلس في الكرسي ولا تدللينها كثير
ولا تحملينها كثير ارضعيها وخليها في كرسيها الهزاز
عشان بكرة تتعود ولا تعذبك ويكونون ثنتين عليك
عودي بنتك من الآن على انك ما تحملينها وعلميها تمسك الرضاعة
أنا بنتي ما علمتها تمسك الرضاعة وتوهقت
ولا ترضى تجلس في كرسيها ومشاغبة وعنيدة
الله يخليها ويحفظها ويهديها يارب

إذا في امكانك قدمي على شغالة
وإذا مش في الإمكان عودي نفسك على طرق مختصرة
ومنظمة لغسيل الملابس والصحون
وخلي كل شيء بسيط ولا تطبخون طبخ ثقيل
أسهل لك

الله يكون عون وسند لك

الله يعينك حبيبتي
اذا تقدري جيبي شغاله

الله يهون علييگ