تكفون وحده منكم تدخل بخيزرانه تكفخني عشان.......

بدون مقدمات وبدون مؤخرات
الوضع خطير يا اخواتي يرحم ابوكم عاونوني على نفسي هزئوني وحده تدخل تعطيني طراقين تفوقني ,,,,,هي هي عاد ما كنكم صدقتوا ..امزح
والله يا بنات اني في غلب من يوم جبت طفلي الثاني
راح ادخل بالسالفه
السالفه اني صرت وسخه قذره ماودي اتحرك من مكاني
اتمنى اني اسوي شي بس ماني قادره
بيتي عفسه اسبوعيا حوسه مالها اول من تالي
ماني قادره الحق على شي ارتب من طرف مايمديني انتهي الا الثاني حوسه وخلاص ماني قادره على التنظيف
اصلا نظام نومي معفوس لان عندي رضيع ولا تقولون عدليه لاني عجزت
ما تتصورون الى اي حد ينعفس البيت
يا بنات انا من النوع اللي يحب النظافه ومن قلب مو اي شي يمشي عندي يعني وسواس شغال
غير كذا بيتي كبير مره واغراضه كثيره وما الحق
طبعا تقولون جيبي شغاله ,,,,اموت ولا تدخل بيتي لاني ما اواطنهم
كله كوم والمطبخ كوم ثاني ,,,ياربيييييييييييييه تذكرت المطبخ
كل كل شي عفسه
اجلس افكر من وين ابدا وبعدين اتذكر الحوسه بمجملها واتخاذل واجلس اصيح
زوجي شكله بيكفخني بس يا عمري يبي يشوف ايش النهايه
اوقات يلمح واوقات ماادري اشلون
الحاله ذي من بعد ما جبت طفلي الثاني وعمره10 شهور الان
نومي عدم وحالتي اخس
تكفون دلوني على طريقه امسك فيها البيت وانظم شغله
عاونوني بترتيب جدول للتنظيف تكفون الله لا يحرمكم الاجر
حتى التفكير ماني قادره افكر
يا بنات لا تخذلوني اليوم السبت يعني اول الاسبوع وودي ابدا
اختكم المحيوسه:09: