تكفون ودي أتخلص من الغيره من سلفتي

والله ماني عارفة بس حتى انتي سافري واطلعي وحاولي ماتفكرين فيها اشغلي نفسك عنها
الله يريح بالك

انا اقولك
كوني مثلها حشريه واساليها عن كل شي كوني مثلها لين تخف منك الحاله
يمكن انتي من النوع اللي مايتكلم ابد
وهي مثل ماتقولين حاشره نفسها بكل شي وهذا ترا من الغيره
حاولي ماتفكرين فيها كثير دامك احسن منها في الوضع خلااااص خليها تولي

انشغلي عنها
بذكر الله
وباهتمامك بزوجك
وببيتك واهلك
وخلي علاقتك معاها سطحيه
المكالمات مو لازم تردين لما تجي تسير عندك لا تبدلي ملابسك خاصه لو كانت جاره لك
واذا مو جاره احسن
اهتمي بتعزيز ثقتك بنفسك
وركزي اهتمامك في نفسك وبيتك وزوجك وطوري من نفسك ومن زوجك
ولا تسولفي معاه عن زوجك ولا عن بيتك بشيئ
اصلا المرأه الذكيه هي اللي تسولف عن المواضيع العامه
مثلا ايش قريتي ايش سمعتي
ولو سالتك عن شيئ بادريها بسوال
سالتك عن ضرتها بادريها بنفس السوال
والا قولي ما ادري عنها بنت الحلال
تجنبي تكون جلستكم فيها غيبه او كلام
لانها ممكن تاخذ اليوم منك كلمه وتخليها قبه
وتقلبها على راسك
لذالك خليك بعيده والتعامل مع هالاشكال يكون سطحي
وتحرصي على لسانك من الزله
حفاظا على نفسك من الغيبه وكثره الهرج اللي ماله داعي
وحفاظا على بيتك وزوجك وعلاقتك بالاخرين
ونصيحه مني لك
ركزي على نفسك وعيوبك وعدليها وعالجي الثغرات اللي في شخصيتك انتي واولادك وزوجك
وانشغلي عن الناس وعن كثره الكلام
بكذا تطوري من نفسك وتعلو همتك وتتغير اهدافك
والناس تصير تغار منك مو انتي
وانتي تقولي زوجك مو مقصر يمكن هالنعمه انتي مو حاسه فيها من كثر مراقبه الناس
ودائما ذكري نفسك من راقب الناس مات هما
لذالك طوري نفسسسك وابعدي عن كثة الكلام واكسبي الدنيا والاخره
والله يوفقك ويستر عليك

الله يجزاكم كل خيير والله ماقصرتو

مرة قريت هني انه في وحدة كانت تغار من ضرتها وايد وصارت تشرب ماي زمزم وتدعي ان ربي يشفيها من الغيرة وفعلا الله شفاها من الغيرة وانتي كثري من الدعاء ولا تشغلين تفكيرج فيها حاولي تشغلين تفكيرج كيف تطورين نفسج وبيتج وعيالج ودايما اذا حسيتي انج تغارين منها تعوذي من الشيطان وحاولي انج تناقشينها في موضيع عامة مب شخصية تعلمي المهارات اللي تزيد ثقتج في نفسج مثل الطبخ وطريقة اللبس وديكور البيت