تكفون ودي احد يسمعني خلاص بنفجر من يفتح قلبه لي من يسليني

بسم الله الرحمن الرحيم

اخواتي مساكم/ صباحم ورد <<<نرعي اختلاف الاوقات

كثير قريت موضيع به القسم فرحت لفرحكم وحزنت لحزنكم بس اول مره اكتب موضوع عني ياناس ودي افضـــــفض:icon33:

ومن كثر ماقريت هنا مواضيع اكتشفت انكم حنونين مررره ومتعاطفين ومتفاعلين ربي يسعدكم :26:

انا بنت متخرجه من 4 سنين يعني عمري 27 او 26 لاتلوموني ماعد صرت احب احسب عمري انا طفوليه بزياااده يعني تفكيري طفولي مااعرف اهتم بنفسي مررررره مالي خلق ومااقدر مثل تطلع حبه في وجهي زي الاطفال العب العب فيها وبعدين تعلم اللحين بشرتي زززفت :09: واصلن بشرتي حساسه خلقه حتى لو اهتميت وشريت مستحظرات غاليه مايفيد فيها غير كذا دوبه والله تعبت وانا اسوي حميات وزني ماينزل وطبعاً رياضه تمارين بطن مستحيل مررررره مالي خلق
انا كسوووووووله وعجاااااازه مرررررره من الدرجه الي قبل الاولى يعني شيء موب طبيعي والله هذا غصب عني يعني مره مالي خالق ابد اي شيء فيه مجهود بسيط يعني ماروح السوق عشان مالبس كل شيء فيه مجهود اكنسله لاتطنزون ترى ذي بلوى ربي يبلاكم بعدين... تكفون دعو لي

المهم يالطيبات انا مثل ماقلت لكم متخرجه من 4 سنوات والحمدلله متوظفه (ماشاء الله) انا ماعمري فكرت بالزواج ابد ابد ابد بس يمكن يوم وصلت ثالث جامعه تزوجت وحده من قريباتي بنفس عمري ويعني بديت شوي شوي افكر واحس اني كبرت طبعا المكياج ماقد حطيته ولا استشورت شعري وفكيته الا بثالث جامعه عشان التطبيق في المدارس<<<تخيلو وحده بالجامعه شعرها مربوط وبس روج الصبح بس واصلان مب حلوه على ايش الثقه خخخخ
بس مثل ماقلت لكم كنت ومازلت طفله

اختي الي اكبر مني بثلاث سنوات كانت احلى مني وتهتم بنفسها مكياج وتسريحات وحركات واجتماعيه وملسونه بعد اما انا هااااديه بس اشطر منها بالدراسه
ماكننا اخوات المهم اختي هذي برابع كليه انخطبت اول مره وتوالت الخطب الا ان تزوجت الله يوفقها بعد سنه ونص من التخرج وانا بذيك السنه تخرجت كل الناس تتصل تبارك بزواج اختي وينسون تخرجي ياقلبي مافرحت مع ان تخرجي يبيض الوجه ممتاز مع مرتبة الشرف وتخصص صعب

وجاني عقد سنه في قريه ونهاية السنه انخطبت من ذيك القريه :icon28: والشاب كان ماشاء الله عائله وموظف رتبه فوق 8 وصغير ماينعاب بس انه موب من نفس ديرتي مب مشكله... طبعا من ثالث كليه وانا ازين شعري واحط كحل يعني فيه شوي تغير بس دبه خخخ بس مشكلت الي خطبني موب ملتزم وانا ملتزمه وامنيتي اخذ ملتزم دعولي تكفون ومع ذلك وافقت بس شرطت شرط ديني مهم بالنسبه لي ورفضو وقلت ياحلو العزوبيه لان صدق انا ماهمني الزواج وماافكر فيه

بس بعد هالسالفه بديت افكر مايصير صار عمري 23 وانا ماتزوجت لي سنه متخرجه الناس تزوج بالكليه لازم اتزوج عشان اصير مثل البنات مااصير اقل منهم وافتك من نظرات الرحمه وخصوصا ان اختي الي اصغر مني بتدخل الكليه.. واهلي بدو يحسون ويحسسوني ان وقت كافلتهم بي انتهى وعديت العمر المسموح.. ومن ذاك الوقت وانا شايله همممممم الى يومكم ...وجاني 3 خطاب كلهم اقل من الأول في مستوى التعليم والوظيفه وموب ملتزمين وبصرحه احسهم مخططين على وظيفتي وكنت ارفض وخطبني واحد على قد حاله ومعه ثانويه وملتزم بس سمعت ابوه موب تمام وهو الي متحمل مسئولية اهله مااعجب امي الله يجزاها الجنه ووانا مااعجبني فيه شيء غير دينه وكنت بفكر واذا وافقت ببلغ امي قبل الوقت الي محددته لاهله بس امي تحسبني رفضت وهي الي دقت اول مره تسويها بالعاده تنتظر هم يدقون
وبعدها بوقت خطبني واحد محافط وظيفته حلوه ماعليه بس انا مدري ليه مارتحت مره له احسه نذل ومتسلط مدري ليه .... اهله جونا امه عسل واخواته حبوبات بس الله يهديهم طنشونا حتى مااعتذرو او بلغونا انهم مايبغوني
وكان جرح لمشاعري قوي

وبعدها بست اشهر خطبني واحد استغفر الله في قريه بعيده مدري شلون عرفوني مافيه تكافء في النسب يدخن تعليمه ووظيفته دمار طبعا رفضت مااقدر اعيش مع واحد كذا
ومن ذاك الوقت وبعد مرورررررررررر عام
.

.

.

.

.

تقدم خاطب:icon28: لكن هالمره لاختي الي اصغر مني الي نجحت لرابع جامعه

طبعا اختي هذي احلا مني بكثيــــــر واخلاق ودين <<<هذي متساوين
بس اختي كان مشكلتها انها اضخم واسمن مني بكثييييير يعني اسمن من وزنها المثالي بـاكثر من 60 كيلو
العام سوت رجيم ربي يحفظها ونحفت مره (ماشاء الله) صرت طول ونحف وبياااض وجمال اما انا دبه فصيره حنطيه وبشره زفت خخخخ وكبيره بعد

المهم اختي اول ماعرفت بالخطبه رفضت تفاجئة لانه بعيد وشكل امي ماتبغاها تتزوج رحمتني لان فرصي اكيد بتقل لاتقولون ماله دخل رجاء لان زوج الاي اصغر معناته عند كثير من الناس فاته الدور لو فيه خير ماتركه الطير :icon33:

المهم ابوي كلم اختي وقال ليه ترفضين ؟؟ وافقي هنا اختي بدت تفكر وتجي تشاورني وكل شوي تعيد في السالفه وانا مره متماسكه واخاف انهار صار الموضوع بالنسبه لها تسليه انا والله ودي اشاركه الحدث واسولف معها فيه بس مااقدر افهموني :angry: وهي كل شويء تعيد السالفه خلاص قلت رايي استخيري ودعي ربي وفكري الله يكتب الي فيه الخيره

المهم انا ياناس صح الحين ودي اتزوج واحس الزواج فيه اشياء حلوه فيه احد يهتم بك يحس فيك ويجي الوحده اطفال اه عليهم وافتك من نظرات الناس وماودي انكسر ويرحموني الناس مااحب ابد احد يشوف ضعفي ودمعتي وانكساري :icon33:

مليــــــــــــــت من الروتين كل سنه مثل الي قبلها بديت احس بيتنا بيفضى ومااحد معطيني وجه يالله

انا ياخواتي ودي اختي تتزوج لاني اخاف ماااتزوج انا زي ماقلت بشرتي ودبه وصدري استغفر الله طايح وفيه اثار حبوب واثار قويه ومترهل لاني اسوي رجيم وسبق سويت
وكل جسمي كذا :( استغفر الله اتوقع حتى لو واحد بالغلط تزوجني وشاف هالاشياء يمكن يطلقني الي متزوجات وش رايكم تحسون لي امل انا مااعرف افكار الرجال...

ومانسى مميزاتي <<مصدقه عمرها
بنت عائله ..طيبه قلبي ابيض..خلوووقه ومحبوبه ..موظفه (صرت ميزه هالايام) ولو اني اماحب احد يبيني عشانها..مملوحه بس المشكله اخواتي احلا مني فيخربون علي ..طبخي حلو ولو انه قليل خخخ بس اعرف..حشامه

تكفون دعو لي واسوني مرررررررره مهمومه :icon33: ومااعندي احد افضفض له الا انتم واول مره افتح قلبي لاحد اوقفو معي

ملاحظه: ترني حســـــــــــــــــاسه مررررره وفي هالظروف زايد فبشويش وبهدواء علي