تكفون وش اسوي بهالرجال

:44:صباح الخير ياحوائيات الله يخليكم قولولي وش اسوي مع هالرجال صار مايحب يهرجني واذا تكلم من راس خشمه عقدته في الحياه اروووح لاهلي لانهم بنفس الحي وكل مارحت لهم لازم بهواش وليته على كذا يوديني خلي اخوانك يجون ياخذونك وخلي اخوانك يردونك واذا بغيت السوق قال انا مو فاضي خلي اخوانك يودونك والله صرت استحي من اخواني حتى ابسط شي المكتبه اذا بغيت لي اغراض خلي اخوانك واذا قلت ماشالله اخواني مو سواقين عندك انت ليه زوجي قعد يسب ويهاوش وانتي وانتي وانتي ..........الخ والله لي ثلاث سنين متزوجه يمكن ست او سبع مرات وداني السوق واذا خلصت اغراض البيت وقال سوي عشاء قلت مافيه شي قال وين راحت الاغراض اللي قضيتها قلت وين يعني في بطنك قال هذا وانتي ماتطبخين راح راتبي في المطاعم تكفووووووووووون البارح بس ابكي عند جارتي بغيت اروح لاهلي بس هي اللي ردتني والله ماعاد اسمع منه الا الكلام الشين حتى ولدي اذا طاح وانا مشغوله قال انتي ماتنتبهين له ولاتدرين عنه حسبي الله عليه والله صرت ادعي عليه يقول والله ماني متحملك غير عشان ولدك :44: للمعلوميه انا عمري 23 سنه <<<العمر كله يارب وعندي منه ولد عمره سنه