تكفون وش اقول مع الناس المتخلفه ؟ ضاقت علي الوسيعه ..يارب رحمتك

السلام عليكم

انا باختصار مثل ما قلت لكم سابقا زوجي من ذوي الاحتياجات الخاصه " شلل رباعي " وذلك بسبب قدر من الله ثم حادث سياره

وعندي منه بنت عمرها 8 سنوات

زبده الموضوع

اخت زوجي الكبيره عمرها يمكن 50 او اكثر شوي

استقعدت لي مررررره مضايقتني بالحييييل بالحيييل


السالفه وما فيها

اخت زوجي الكبيره عندها حفيد عمره 9 شهووور تقريبا <<<< لاحظو قلت شهور مو سنه

والولد من جابته امه وهو مشلول شلل نصفي

وقالت لي اخت زوجي ان شاء الله هالولد نزوجه بنتك !!

تخيلو خمس مرات ردتها وانا من هول الكلام ومن الصدمه ما رديت طعنة بقلبي

تقول انتم متعودين على المعاقين لان ابوكم معاق !!

وعندكم مصعد بالبيت وسياره معاق وبيتكم مهيئ للمعاقين !!!!!!!!!!

بالله عليكم وش تحس فيه هالادميه

وبعد ما ردتها الخامسه ردت عليها اختها وقالت لا ان شاء الله .. الله يرفع حظ بنت اخوي >> اللي هي بنتي
ويعوض صبر امها خير
والا الولد يرزقه الله مهوب مضيعه بس مهوب بنت اخوي المسكين

وانا ما زلت في الصدمه ما رديت

هذا الكلام قبل كم شهر

وجت بالعيد عادت نفس الموال ابزوج بنتك للولد المعاق لانكم متعودين على المعاقين وتعرفون لهم

انا هنا قلت لها بكل ضعف والعبره تدخل وتطلع لالالالا حبيبتي الله يرفع حظ بنتي تبينها تموت كل يوم مثلي !!

لا انا ما راح ازوجها حفيدك هذا لو وش ما صار ..قالت بس انتم متعودين على المعاقين !!
والبنت تحب الولد وتبيه !!!!!!!!!! وش تبي ذي ؟

انا هنا انجنيت وقلت لها انا بنتي وحيدتي ما ابي ازوجها ابد بخليها عندي

قالت انا مشاوره البنت وراضيه من متى صار للبنت اختيار وشور لالالالا والولد اصغر ومعاق؟؟!!!
حسبي الله عليها تخطط لبعدين تبي تعلق الخواطر
"انا بنتي تحب الصغيرين مره وتلعبهم وتشليهم " وياناس بنتي بزر وشلون تشاروها بمثل هالامور وتفتح علينا باب مسكر ـــ اخر شي اكتشفت انها تسولف على البنت وتقول لها ان الولد يحبك واذا شافك ضحك ووده يتزوجك وانتي ودك تتزوجينه؟ "قالت بنتي ايه انا احبه واحب العب معه " ـــ وشلون تدخل هالافكار بعقول الصغار وخاصه بنتي كبيره وتفهم بعدين وشو عرس ما عرس !!

مجنونه هالادميه امتحنتني بحياتي كل يوم محرقتني بسالفه

يمكن البعض يشوفها بسيطه بس انا جرحتني مررررره لا والله الا حفرة قلبي وكوتني بجمره اذا تذكرت على طول تطيح الدمعه وتخنقني الغصه:icon33:

وللعلم ما قلت لزوجي شي مااااودي اجرحه
وهالاخت كبيره وما فيه احد يقواها الا رب العالمين

صحيح جرحتني او موتتني بس ما دعيت عليه
بس قلت
حسبي الله ونعم الوكيل


تكفون ادعو الله يصرفها عني ويشغلها بنفسها :44:

اعذروني ما فيه غيركم افضفض له