تكفون وش علاج متقلبة المزاج ؟؟؟؟؟؟؟

وهذا أنا أعيد ردود خواتي الي ردوا علي في موضوعي الله لا يحرمني منهم ولا يحرمهم الاجر




مشاعل حواء


سمعي يا حبيبتي اذا كانت صديقه فالامر سهل طنشيها وابعدي عنها ارحم لك ولراسك بس المشكله ان كانت اخت ياويلك ويلاه اذا كان عندك حل قولي لي لان الاخت ما تقدرين تطنشينها وخصوص ان كان لها افضال كثيره بس ما يمنع انها بمزاجها تجننك تعرفين لو كان بيدي \نقلت ديره ثانيه
ــــــــــــــــــــــــــــــــ

** ميرندا فراوله**


والله يا اختي مافيه داعي تتعبين نفسك مع شخص مايعطيك ادنى اهتمام وحقيقة المحبه

والصداقه ماتبان في اوقات الرخا والسواليف ياقلبي بس في وقت الشده تعرفين حبيبك

من عدوك
ـــــــــــــــــــــــــــــ

روحــ لك ـــي


أختي تعرفين وين المشكلة انه هالناس تكونين وقفتي معاهم في
وايد مواقف ويوم وقت احتجتيهم!! مب بس ما يعاونونج على همج
إلا أحيان يزيدونه!! وهذا الموضوع فعلاً يجرح

لكن حطي في بالج شي !! وفكري فيه عدل
ترى مب كل بنت عندها القدرة على الإنصات!!
وعلى الوقفه اللي احنا نحتاجها!! مب كل بنت
وتلقينها ما وقفت معاج وهي في اعتقادها انه
مافي منها ومعاج على الحلوة والمره!!
ماهو نفاق ولاغيرة لا فعلاً هذا اعتقادها!

أنا عندي خمس صديقات مقربات على قلبي
وكلهم غالين علي وبوقف مع أي وحده مهما
كانت مشكلتها!! لكن اعرف انه وقت الشدة
مب كلهم بيوقفون معاي!!

ألجأ لكل وحده في شي معين!! إذا ودي اتناقش بأي قضية عامه
اعرف اناقشها مع منو؟؟ إذا ودي اسولف واسمع آخر اخبار العالم
ومواقف عجيبه غريبه !! اعرف منو فيهم اللي بتطلعلي بلاوي العالم
إذا حاسه اني شايله هم موضوع معين اعرف منو فيهم اللي بتسمعني
ومنو فيهم اللي بتعرف تنصحني!! يعني إذا بغيت افرغ بس اكلم وحده
غير اللي ابغي منها الراي السديد!!

انا قلتلج عن هالبنات على أساس اعطيج نموذج انه الناس قدرات
مب كل وحده تقدر ولا تزعلين وتحسين انها متقلبه او ماتقدر ..
هذي حدود قدراتها
ــــــــــــــــــــــــــــ
منى القلوب

هلا اختي......النوعيه هذي من الناس تعاملينها بأسلوب واحد على طول خصوصا بعد مافهمتي طبعها ....
يعني تكون علاقتك معها بحدود السوالف العاديه والمزح وبس ولاتفكرين تستشيرينها او تلجأين لها اذا واجهتك مشكله لانك خلا ص عارفه وش عندها لك.....
واتمنى لك التوفيق اختي....
ـــــــــــــــــــــ

جامعيه دايخه

عندي صديقتي نفس ماقلتي بالضبط والله العظيم علاقتنا قدييييييمه اكثر من 8 سنوات ....
وانا الحين ما اكلمها لأني مليييييييييييييييييييييييييييي ييييييت من اسلوبها .. مزاجيييييه ومتقلللللبه
وبصراحه أختي ( روحي لك ) كلامها ينووووووووور .... من جد انا عندي شله تقريبا نفس كلامها يعني مو كلهم اتكلم معاهم بموضوع معين .. سبحان الله كذا ...
بس صديقتي هذي اللي نفس اللي عندك مابيني وبينتها الا سلام فقط .. ومرات سوالف عاااامه اذا كنا كلنا مع بعض .....

تعبت منها وحاسه بمعاناتك تماما ..

الله يعينك ..
ـــــــــــــــــــــــــــــــــ
الواثقة من نفسها


الشخصية المزاجية
في نضري هي مجموعة من الشخصيات في جسد واحد
ويقولون انها شخصية تتأثر بالوراثة والبيئة والتربية تأثراً كبيراً
ومن الطبيعي
ان تكون فينا بعض الانفعالات من وقت لآخر حسب الظروف المحاطة بنا وما نمر
فيه من لحظات حزن او فرح او انقباظ لأسباب خاصة ويصعب شرحها

غير ان المشكلة ليست في مثل تلك الامور والانفعالات الطبيعية لمزاجنا
بل في تلك الشخصية المزاجية المضطربة
وما سيترتب على المتعاملين مع صاحبها من ظلم وألم
مع ان المزاجي لا يبالي بأحد ولايشعر بأي ذنب حين يسيء للأخرين وهذه
أنانية واضحة
بل حتى دون سبب مقنع تراه في حالة هجوم وفي حالة غرور وتظهر صفاته
..(المصلحية) بتعامله مع الآخرين وفي رأي انها حالة يجب الوقوف عندها أكثر

فعندنا نسمي الشخصية ( مصلحجي) أو (منفعجي)..يعني أن روقان مزاجه يعتمد
بالدرجة الاولى على مدى استفادته من الاخرين.وحالما ينال مبتغاه يعطيك ضهره
وكانه لايعرفك.مع أنه قد يأتيك في يوم التالي بحميمية وأبتسامة أسرة
وايضا لمصلحة أخرى مبطنة
!ولضيق أفق شديد منهم يضنون أنهم مركز الكون


مع أنه توجد فئات منا تستسلم لهذه الشخصية المزاجية .وليس لغباء أنما
لطيبة مفرطة وحسن نوايا في الاخرين

و..( صاحب المزاج المتقلب) هو في نضري أنسان غير أمين ويفتقر للوفاء
ومصلحجي وأناني بدرجة كبيرة

لكن المشكلة هي كيف نكتشف هذه الشخصية قبل فوات الأوان.؟
ام اننا اكتشفناها لكنا رغبنا في تحدي أنفسنا ومقدرتنا في تغير هذا
!! المزاجي

عن نفسي أجد صعوبة بالغة في التعامل مع هذه الشخصية المزاجية
!!وما الحيلة وهم محاطون حولنا
ـــــــــــــــــــــــــــــــ
Guesss


انا عرفت كثير فيهم هالطبع ..
صرت اطنشهم .. و اعلمهم اني مو لعبة بيدهم يزعلون و يرضون على كيفهم !!
ناس تركتهم و ناس تعدلوا بعد ماواجهتهم .. و تركوا مزاجيتهم لناس تتحملهم اكثر

لاني مو مستعدة اقضي حياتي اداري و اسامح هالمتقلبين !

ـــــــــــــــــــــــــــ
حبيبة أبوها

الرسميه في اعتقادي افضل حل بالاضافه الى التطنيش

الله يكون في عونك اختي
ـــــــــــــــــــــــــــ
عيون طفله

انا عرفت كثير فيهم هالطبع ..

ــــــــــــــــــــــــــــــــــــــــــــــــــــــــ

نفس ردي السابق لاني تعاملت مع كثير ووجدت افضل حل هو ماذكرته

على فكره اذا في خوات ردوا علي وماكتبت مشاركتهم يعذروني
لان فقط هاذي الاسماء الي طلعت لي

ـــــــــــــــــــــــــــــــــــ



مشاعل حواء
**ميرندا فراوله**
روحــ لك ـــي
منى القلوب
جامعيه دايخه
الواثقة من نفسها
Guesss
حبيبة أبوها
عيون طفله



يعطيكم العافية على هالمشاركة الطيبة
استفدت منها كثير

مشكلتي ماعندي اخت وهي صديقة
يعني دايما احلم عندي اخت تخاف علي مثل مااخاف عليها وتحس فيني وتحبني مثل مااحبها

هي كلامها احسن من مية اخت
يعني مثلا تقولي ( الي يضيق صدرك يضايقني مثل مااتضايق على بناتي )
طبعا انا افرح اسمع هالكلام واذا مر اقرب مضايقة الاحظ كاني أحاكيها عن وحده ماتعرفها .
تتشاغل واذا حاولت تسوي حالها معي لسانها حلو بس ماأشوف منها اي موقف يخليني اشعر انها متضايقة عشاني
لكن بالمقابل لو مر عليها شعره تركض لي وتتشكى واوقف معاها من قلبي وآخذ موقف من اي أحد ضايقها ( اذا كان حق ) لكن هي ماتتأثر علاقتها مع الاخرين مثل ماأفعل أنا

لو تبي تزورني متى ماطنت براسها تجي وتصير حبوبة وطيبة افتحلها بيتي وقلبي
ولو تمنيت ازورها او بغيتها تزورني برغبتي تطنش أبو أبوي
ولو قعدنا شهور
بس لو اشتهت اي وقت تجي, تنقلب حبيبة واعز من اخت ,انسى الي راح واحس مالي أخت .وارحب فيها

افاتحها بهدوء حلو الواحد يعامل الناس بمثل مايحب ان يعاملوه
تتبسم وبكل برود تعطيني كم كلمة توهمني بنفسي اني مافهمتها
وتبتسم تقول مافي احد يحبك مثلي

صرت اتغير عليها شوي تتضايق وتحاول تتعدل يومين وترجع
والله يابنات خدماتي لها تحت امرها متى ماشاءت قدر مااستطيع
وهي تملك الكثير تخدمني تتهرب
لكن تذبحني اذا قالت كل شئ تحت امرك وتبدع في الكلام اذا جاء وقت الجد كاني أشحذها

باختصار مااحب احد يبالغ في كلامه وابني عليه واذا جاء اقرب موقف انهار كل شي
كل مرة تحاول تسمع وتتعدل وتقول صح انا مقصرة انا ماني مثلك
لكن بعد كم يوم ترجع حليمة لعادتها القديمة

هي تقول انها تتمنى لي كل خير وتفرح لي مثل ماتفرح لبناتها
لكن اذا جاني مديح من احد تحسسني احيانا انها فرحانة لي
لكن احيانا اشوفها عصبية ووجها يتغير اتضايق حيل
انا اعتبرها مثل نفسي وهي تقول كذا لكنها ماتنصح لي مثل ماانصح لها

كل ماحاولت البعد حاولت تتمسك فيني وتقول انني مافهمتها
طيب افعالها تكفي اكبر شهادة

تصدقون ادرس بعض بناتها واذا مرت البنت في مشكلة انصحها واخاف عليها احيانا اكثر من امها وتفرح امها لخوفي عليهم
بس هي لا
تذب مشاكلها علي واقطع قلبي عليها
لاحتجت لها ممكن تسمعني لكن احس بيعونها ماحولي احد
انا متعودة على هالاشكال بالدنيا أصبرررررررر
بس ودي تبصروني وش نوعية هالشخصيات

الي تشعر انها تعطي أكثر مما تقول وهي في الحقيقة تقول أكثر مما تفعل

ياخوات هي تلومني اني مافهمتها وانها وانها
واصارحها وابين هي في ايش متغيرة تتأثر في نفس الدقايق وبعدين كاني ماكلمتها

lover43v3r

فعلا هذا الغالب في الناس ( المصالح )
بس ياليتنا مانحس مثلهم

مشكورة اختي

......... .......... .......هلا أختي أقووول فهميها وقولي حقها أنا هالأسلوب مايعجبني ممكن تغيرينه يكون فايده حقتج وحقها....... .......... ..........