في البداية الله يوفقك ويعينك
ياليت تبدأي من اليوم التجهيز يعني جهزي شوربة لأنها تدفي وتعتبر من المقبلات
و أقترح تسوين بعد فطائر بالدجاج والخضار روووووووعه جهزيها اليوم وبعد ما تخرجيها من الفرن غطي عليها بمنشفه لحد ما تبرد تماما وبكره بس سخنيها وكمان جهزي سلطة طحينية وسلطة حمص من اليوم ودخليه الثلاجه وبركه خرجيه بوقت عشان يدف شوي وزينها بالبقدونس والجزر المبشور والحمص خذي شوكه وبليها في شوي مويه وغطسيها في بهارات زي الكمون ثم فلفل أحمر وسوي بها أشكال على حافة الحمص روعة
جيبي ورق العنب الجاهز وصفيه في صحون وزينيه بالليمون لأنه أسرع لأنك مشغولة
بالنسبه للعشى سوي رز وسويي مشاوي والمشاوي أبدأي فيها من العصر في التجهيز أحسن لك وأسرع وزينيها بالبقدونس والليمون والطماطم مع سلطة الطحينية والحمص روعة واللهم لك الحمد
أما الحلى ف أفترح عليك تسوي من القهوة يا حلى البسبوسة ترى الرجال يحبوه قطعيها بالقالب الدائري ورشي عليها فستق مع القهوه روعة وله حلى فيه تمر
حلى العشاء سوي مهلبية بالدريم ويب روعة ورشي عليها فستق
التنسيق جيبي المفرش لو كان عندك وأفرشي عليه النايلو ولو ما عندك السفرة كفايه وجيبي المناديل الورقية وسوي عليها حلى المهلبية ووزي الماء والعصير وجيبي المقبلات في صحون كبيرة لأنها تعطي فحامة أكثرا "ورق العنب والحمص وسلطة الطحينية"سوي حافظة الشربه في النصف ووزيعي صحون غرف الشربة وجنبها الملاعق
وأغرفي الطبق الرئيسي في صحون مستقلة وسط على حسب تواجد الرجال ي كل أثنن أو ثلاثه لهم صحن مستقل
ولا تنسي صحن الخبز أوسلة رصي فيها العيش اللبناني بعد ما تقطعي معه بفدزنس وترشيه بشوي سماق وبصل شرائح
بعد ما يقومو الرجال من العشى قدمو لهم المناديل المعطرهفي سلة ويوزعها واحد من عيالك أو بخور
ويارب أكون أفدك
وتذكري ياأختي الغاليه أستحضار النيه "في أكرام الضيف\وأطعام الطعام لله
بحسب أمكانيتكم"
"من كان يؤمن بالله واليوم الأخر فليكرم ضيفه"

ويبقى الأمل

بارك الله فيك والله يجزاك خير

أفكار وأطباق رائعة

الله يكثر من أمثالك

راح أستفيد منها

شوفي حبيبتي اذا ضيوفك كثير او الوقت مايساعدك هذا اشياء اسويها دائما باوقات الزنقه < متاثره بالقذافي خخخ خذي الشوربات الجاهزه اللي تجي باكياس صفرا راح تساعدك كثييير .. وهذا حلى للعشا تسويه في اقل من ٥ دقايق ..

المقادير : بسكوت شاي / شرائح اناناس / ظرف دريم ويب وظرف كريمه كرامل / علبة قشطه . طريقتها تغمسي البسكوت بماء الاناناس وتصفيه بالصينيه . اخلطي بالخلاط الدريم ويب والكريمه والقشطه واضيفي عليها من موية الاناناس حطيها فوق البسكوت طبقه ثانيه بعدين خذي شرائح الاناناس وحطيها من فوق .. حلى لذيذ وسريييع ..

والله يوفقك ويعينك .. انا الاثنين اللي فات كان عندي دوريه ٨ رجال عشان كذا حاسه فيك ..

حلا القهوه تمرية ام الغلا كله رووعه+بسبوسة الجالكسي

العشاء
الطبق الرئيسي رز ولحم او دجاج ع حسب اللي بتطبخيه وجهزي التزيين تبعه من بدري ترتاحين مثل ليمون مقطع دوائر ومكرونه مسلوقه ولونيها بلون الطعام الاصفر واي اضافه من عندك ......
حلا العشاء نوع واحد ممكن يكون حلا كاسات اريح لك وتظمنين نجاحها
نوعين سلطه حار +اي سلطة بتكون مكوناتها متوفره عندك +تبوله او سلطة المكرونه
وفواكه وانواعها...الخ

صينية مسقعه او اي طبق
وورق عنب جاهز اريح لك
وسمبوسه جاهز وبعداريح لك
وماتقصرين اشوف كذا كفابه

وقبل كل شي اكتبي كل طبخاتك بورقه علشان ترتاحين ابدئي بالحلا علشان ترتاحين بعدين السلطات وجهزي الصحون تيعها وارتاااحي ...ومجلس الحريم جهزي فيه الفناجيل القهوه والشاي وكل شي واستودعي الله في كل شي بتصلحينه وكثررري من الاستغفار وبالتوفيق ياعسسسل واي شي تبغين اساعدك انا حاضره لاني مقدره مثل هالمواقف ..

لله يعينك ركزززززززززززززززي على الاشياء الي تظبطينها بالنسبه للحلى افضل شي حلى الاولكر لرجال والعشاء انصحك بالرز وجريش او مرقوقوق وشوفي طريقة مرقوق بشرايح السموسه بدل ماتعجنين وترقين بس تاخذين الشرايح وتحطيها على المرق افضل شي الرز لانه شتاء ويبغون شي يشبع عكس المشاوي يمكن يطلع قليل تذكيرالدعاء بعد الوضوء
عنْ عُمَر بْنِ الخَطَّابِ رضي اللَّه عَنْهُ عنِ النَّبِيِّ صَلّى اللهُ عَلَيْهِ وسَلَّم
قَالَ : « ما مِنْكُمْ مِنْ أَحدٍ يتوضَّأُ فَيُبْلِغُ أَو فَيُسْبِغُ الوُضُوءَ ثُمَّ قَالَ :
أَشْهدُ أَنْ لا إِله إِلاَّ اللَّه وحْدَه لا شَريكَ لهُ، وأَشْهدُ أَنَّ مُحمَّدًا عبْدُهُ وَرسُولُه ، إِلاَّ فُتِحَت لَهُ أَبْوابُ الجنَّةِ
الثَّمَانِيَةُ يَدْخُلُ مِنْ أَيِّها شاءَ » رواه مسلم .
وزاد الترمذي : « اللَّهُمَّ اجْعلْني من التَّوَّابِينَ واجْعلْني مِنَ المُتَطَهِّرِينَ » .