تكفون ولدي يذبل قدام عيني بسبب العفنه الله يحفظ عيالكم منها

السلام عليكم ورحمة الله وبركاته


عندي مصيبه وقلت مالي بعد الله سبحانه إلا خواتي بعالم حواء


ولدي عمره عشر سنوات ولاحظت عليه قبل ست سنين تقريباً


ان نظرة عيونه متغيره ولون جسمه سمر كثير وضعف ولاله نفس على الأكل


وصار حركي بشكل فظيع والناس يقولون وش بلى ولدك كأنه شايب


المهم قبل فترة رحت لحرمه تداوي بالأعشاب وقالت لي الولد


معه وخيته ( العفنه ) الله يكفي المسلمين شرها


وجايته مع عين يعني ماهي مشاربته من وهو في بطني


وعطتني علاج عسل وسعوط وقالت إذا بلغ وهي معه تعوضي الله فيه


كلمتها الأخيره كانت مثل الطامه حسيت أن الأرض تهتز من تحتي


المهم استمريت على العلاج وكانت نتايجه فوق ماتتصورون الولد


رد لونه وجسمه وطول ونظرته تغيرت ياربي لك الحمد


المشكله أني لما خلص العسل وقفت السعوط


وبعدها رجع انتكس وأقسم بالله أنه حتى طوله قصر


والله يابنات إني أكتب لكم وقلبي يتقطع على ضناي والمشكله أني ماادري


وش أسوي رجعت للمره قالت ارجعي على العلاج وبصراحه مارجعت


لأني أخاف ارجع وإذا وقفت ينتكس زي أول


000


تكفون ياخواتي اللي تعرف أحد يعالج العفنه بالقران أو بغيره ويكون


علاجه مضمون بإذن اللي ماله شريك تدلني عليه ووالله ماأنسالكم وقفتكم معي


وإن الله شفى ولدي لو تبون عيوني والله لأعطيكم


000


أبي من كل أم طلب ولاتردوني الله لا يبلاكم بمثل بلواي


أبي منكم ثلاث دقايق تستغفرون فيها لله بنية شفاء ولدي


لاتردوني ترى والله حالي مايعلم فيها إلا الله ولو شفتوا حال ولدي مارديتوني


اللهم ياحنان يامنان ياذا الجلال والإكرام ياحي ياقيوم احفظ أولادهم ولا تريهم مكروهاً


في أنفسهم وأزواجهم وأولادهم وإياي يارب العالمين