تكفون ولدي يضاربني لما اطعمه.. ساعدوني الله يخليكم :(

السلام عليكم بنات حواء..

خواتي بغيت المساعدة تكفون..

أنا اكتب هذا الموضوع وانا قاعدة اصيح..

انا عندي ولدين الله يخليهم لي ولأبوهم..

أحبهم واااايد واخاف عليهم شكثر.. حالي من حال اي ام..

ولدي الكبير عمره سنتين و4 شهور..

والصغير بيكمل السنه بعد شهر..

مشكلتي مع ولدي الصغير..

احس بصعوبة لما اطعمه.. لأنه دايما يتضارب معاي في الاكل .. مع انه صحته ممتازة والسبب اني اضاربه على الاكل..

يعني عند الفطور لما اقعد على الأكل إذا قربت الاكل من فمه.. يبدأ يصارخ.. ويلف وجهه عني,.. لازم امسك ويهه واطعمه غصب.. .

والله انا على فكرة دارسة تخصص اطفال.. يعني واعرف الاكل اللي يناسبه والطريقة الصحيحة في الاكل.. يعني ولدي الكبير مائاء الله عليه ياكل بدون مايقول شيء.. قاعد على كرسيه وياكل والحمد لله.. لمكن الصغير اتعب معاه شكثر وساعات اصيح بسببه.. من بديت ااكله من عمره اربع شهور وهو يعاند معاي..

وسويت كل شيء بس اني اجذبه للأكل لكن ماينفع..

اشتريت العاب وكراسي وسيارات بس اجذب ماقدرت. شغلت له الرسوم والتلفزيون وسويت له الاصوات الحلوة اللي تجذبه.. طلعت في الحديقة وقعدت مع العصافير علىالحشيش في الحديقة بعد مانفع معاه..

وانا ساكنه مع اهل ريلي.. عمتي دايم لما تشوف أكله تقول أنا اول مرة اشوف طفل مايحب الاكل..

حتى صرت اكره آخذ ولدي مكان عام معاي بسبب أكله..

ساعات خوات ريلي يساعدني في هاي الشيء.. وياكل معاهم بس بالضرابة..

يعني أذكر سرت مرة عزيمة.. وطلبت من الناس العشا حق ولدي قبل مايحطون لنا العشا.. ودخلت غرفة وقعدت مع ولدي احاول اكله حق مايفضحني.. بس شو سوى فيني... :44:

والله قعدت اصيح بالحمام بسببه.. يعني هو ماكان ماكل شيء من عند العصر.. كان بس ماكل شوي كاسترد..

أحاول اسوي الاشياء الحلوة.. بس بعد مانفع..

والله تعبت...

وعرس اختي الشهر الياي.. اقول حق خوات ريلي أنا بخلي ولدي عندكم حق اروم اسير العرس وارد بسرعة بدون ما اتلعوز به.. لأنهم ماراح اييون العرس لأنه بعيد واايد عن منطقتنا.. فقالوا عادي.. ولما خبرت امي زعلت مني.. يعني شو اسوي.. بيفضحني جدام الناس..

والله واحينه حاولت اغديه .. بس قعد يصيح ويلف بعمره ويضربني مع انه ماكل شيء من بعد الساعة 9 الصبح واحينه 2 الظهر.. يعني مايحس بالجوع..

تكفون ياجماعة الخير ساعدوني الله يخليكم..

ابي ياكل طبيعي مثل عيال الناس.. انا تعبت معاه.. دلوني على طريقة اطعمه بدون ما اتضارب وياه..

جعل الله عملكم في ميزان حسناتكم..

الحزينه ام الاولاد