شكرا لكل من مروا
وياليت مزيد من الاسماء والاسعار
واللي مجربه غرف نوم من بن عمرين تكتبلنا تجربتها والاسعار

الله يسعدك يا قمر انتي الذوق
غرفة نومي يا قلبي من هوم سنتر اخذتها تقريبا 7000 ريال
وغرفة بنات من سيتي دبليو 6000 ريال من غير دولاب
سيتي دبليو شارع الامير سلطان
وهوم سنتر فرع بشارع الامير سلطان وفي بالتحلية امممم وفي بشارع الستين
العامر الى اعرفه بشارع حراء او حي الربوة عند دوار الجواد الابيض

الى بشارع الستين برضوا محلات اسعارها حلوة هوم كمفرت وادفن والفطيماني وفي كذا واحد
وفي عند دوار الدراجة برضوا الفطيماني وكذا محل عندهم موديلات حلوة لغرف النوم

انا دخلت بس عشان انصحك بالصناعه ابعدي كليا

عن الصيني حتى لو عجبك شكله ترى بس منظر خشبهم

قوي لكن مساميرهم مرره صغيره و الغرفه على طوول تتكسر

ادراجها و حرام قيمتها فيها

خذي الصناعه المصريه او تركيه او ماليزيه و بالنسبه للون

اشوف الابيض او اللولي او الذهبي افضل من الغوامق عامة

الله ييسرلك امرك

دارين
اشكرك بجد ماقصرتي قصر الشر عنك يارب وتتهني فيها
ان شالله

فتاه الحوراء
اشكرك على النصيحه
وبحاول ادور الماليزي والتركي
اهم شي اتجنب الصيني
ربي يسعدكم ماتقصرون
وانتظر كمان معلومات اكثر واسماء محلات