تكفون يابنات ادخلوا وقولو لي انا ظلمته ولا هو ظلمني

بنات كيفكم انا بكتب لكم باختصار وتأكدو انه الشعور اعظم من انه كلام ينكتب
انا تزوجت من زوجي قبل خمس سنوات عندي شرطين بعقد النكاح مصروف شهري وهو وافق عليه والشرط الثاني سكن مستقل
يابنات من تزوجته وهو مايعطيني المصروف اللي مشروط واذا طلبت منه يقول ماعندي ماعندي تخيلو اني ماصرت اطلع لا جمعات ولا مناسبات لان ماعندي شي البسه كل ملابسي شافوها ولبستها مره ومرتين وثلاث واربع وفوق ذلك متسلط في فتره انا قدرت ظروفه لمدة ثلاث سنوات كان من وظيفه الى وظيفه ومن حاله الى حاله واشهر كثيره يكون فيها بدون وظيفه وتراكم ايجار وفواتير وحتى اكلنا كان اكثريته من عند اهله وكنت صابره لوضعه ومقدره وكنت اقوله حاول تبحث عن وظيفه الايجار تراكم وصاحب البيت يبي حقه مابي يجي يوم ويقول لنا اطلعوا وين نروح طول الفترة هذي ماني حاسه بالاستقرار والامان في اي وقت بيوديني لاهلي لان صاحب البيت يبي حقه وكنت خايفه وخايفه واني انام وانا افكر وش بكره بطبخ مافي شي بالثلاجه وش بكره بناكل واوقات كثيره انام جووووعانه ما رحمني وكل ولا فكر الكهرباء فاتورة تكسر الظهر وبيفصلونها كنت اقوله وش الحل يقول عادي خليها تطفى كيف بنجلس بالحر بالظلمه يقول عادي هو ماعنده مشكله في شي عديم المسؤولية وقمت انا توظفت في محل تجاري واول راتب سددت الكهرباء لان كان عندي ولد تعبان ويحتاج مراجعات ومواعيد في نفس المنطقة واهلي بمطنقه ثانيه ماقدر اروح لهم واترك مواعيد ولدي المهم الولد هذا جا بيوم وتوفى بسبب تدهور وضعه الصحي والحمدالله على كل حال وكنت اشتغل واصرف على نفسي الشي اللي ابيه وكنت اساعده لو احتاج شي والله اني ماقصرت وهو في هالفترة كلها يسوي نفسه انه يحاول يبحث عن وظيفه وكل ماجته وظيفه طلع فيها عذروب يابعيده يا ساعات العمل طويله يا يا يا يا ومايتوظف جا بيوم مع ازمة كورونا تركت انا وظيفتي اللي بالمحل التجاري وبعدها بثلاث شهور قال بوديك لاهلك لان صاحب البيت يبي بيته لين الاقي وظيفه ونستقر قلت طيب وداني لاهلي ومرت الشهرين والثلاثه الحين لي سنتين عند اهلي كان بالبداية يسأل وبعدها ماعاد كلمني لانه زعل لما طلب اني اسكن عند اهله وانا رفضت لان اهله بيتهم مره صغيره وعنده اخوان شباب وصعبه ورفضت وزعل ولا عاد كلمني لمدة 7 شهور كان بس يحول لي 200 ولا 150 ويقعد اشهر كثيره مايحول شي ولا يصرف علي بيوم كلمني كنت افكره حط لي قدر وقيمه ودق يبي يراضيني ويشوف مابخاطري ولما كلمته قال ماتسألين ولا شي قلت كيف اسأل وانت اللي تركتني وهجرتني ولا تصرف علي المهم انا خلاص تعبت وقلت له ياتصرف علي زي الناس وتتوظف وتفتح لي بيت ولا وش فايدة استمرارنا بهالطريقة انت بديره وانا بديره وقلت له المصروف اللي بعقد النكاح حوله لي غير كذا لاعاد تكلمني وانت لاتوظفت ولا قادر تفتح بيت ولا قادر توفر اساسيات الحياة قال مامعك الا 150 تبينها وبكيفك قلت مابيها بنات انا معاي حق ولا. يعني لو انه فاتح لي بيت ويوفر اساسيات الحياة المسكن والمأكل والملبس ماكان عندي مشكله مع 150 راح ارضى فيها لكن ما سوى شي ولا تحرك ولا فتح لي بيت ولا استقرينا مع بعض المهم الحين صارلي سنتين هاجرني مايسأل ولا يصرف الا 100 ولا 150 وان زادت 200 ويقعد اشهر طويله مايحول شي ولا يسأل عني ولا يهتم تمر علي اوقات احتاج بنادول من الصيدلية احتاج اغراض شخصية مايكون عندي شي اشتري فيه وهو مايسأل عني ناقصني شي محتاجه شي ابد مايسأل قمت استخرت مره ومرتين وعشر وحسيت اني اطلب طلاقي وارتاح ورفعت دعوى فسخ نكاح وفي جلسات الصلح يقول ترجع مهري واطلقها طيب ب اي حق ارجع مهرك وانت اللي هاجرني وانت اللي مقصر معي ولا موفر مسكن ولا موفر متطلبات الحياة الاساسيه انا ماطلبت شي غير اساسيات مسؤل عنها اي زوج عن زوجته وتعذر الصلح بينا وحولوها المحكمة والحين انتظر الجلسة بالمحكمه امانه قولو لي انا ظلمته في شي ولا هو اللي ظلمني انا كنت مستعده اصبر واتحمل لو جا وقال لي اصبري علي وقدري ظروفي او حط لي قيمه قدام اهلي وجا يتعذر او يتكلم معي ومع ابوي ونحلها بالحسنى لكن ابد مطنشني من سنتين وكنت اقوله تعال نتكلم ونتفاهم انا وانت ومع ابوي او اخواني موجودين وقال لي مابجي ولا شي انا الحمدالله صغيره وربي بيعوضني بالاحسن اذا هو مايبي يشيلني ويعزني ويقدرني بس لايعلقني ويهجرني باسباب مو مني ابدا بنات وش تنصحوني انا استخرت وارتحت للطلاق بس احس نفسيتي تعبانه لانه هو مفروض يطلقني طالما مو قادر يعيشني مايخليني اتمرمط بالمحاكم واهلي مو مقصرين معي شي والله واقفين معي ولانقصوا علي شي لكن برضو يعز علي اني متزوجه بالاسم بس وهو مو داري عني




اسفه طولت عليكم