مساء الخير انا يابنات مسافره دبي الاربعاء الجاي وابي اسالكم عن شقه او فندق بس يكون
سعرها مناسب وتكون نظيفه مو غاليه مره لانه بنشتري اشياء كثيره
وكمان ابي اسال عن الاسواق الحلوه ترى مااعرف شي عن دبي وخصوصا الجلابيات لاني حامل تكفون وين الاقي الجلابيات الحلوه بصراحه جننتني جلابيات الممثله الهام الفضاله
دلوني كمان عن افضل المنتزهات والمطاعم والحدائق وعن اي شي مو موجود بالسعوديه
علشان اشتريه وسامحوني طولت عليم
abodi_ss @abodi_ss
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
بالنسبة لدبي في شقق فندقية اسمها الضيافة الصراحة هي زينة بس الغرف صغيرة لكن الصالة واااسعة وفيها مطبخ بعد مع ادواته كامل اذا تبين شقق فندقي فهي موجودة اكثر في الشارقة وانت تمشين في الطريق وين ما كنت بتحصلين والشارقة بينها وبين دبي شارع بالنسبة للجلابيات موجودة في السوق القديم في الشارقة الحلو عند محل اسمه شيتل وفي دبي في الهودج في مركز البستان وفي راجو بلازا بجانب حمر عين والحدائق بالهبل في عندج حديقة الخور والصفا والممزر مدينة مدهش الحين حلوة للاطفال ان شاء افدتج والسموحة