تكفون يابنات الرجال بيعرس على زوجتة الله يعافيكم من عندها الحل

السلام عليكم يابنات حواء بغيت استيشيركم يابنات في مشكله ام صديقتي وتكفون ابي منكم حل بأسرع وقت القصة ياطوال العمر ان المرة متزوجه لها 25 سنه وعايشة معاه على البركة يعني الرجال مايحبها ولا يعاملها كويس ولا يخاف الله فيها تخيلو انه يمد يده عليها قدام اهله واهلها وقدام عياله ولا يستحي على وجهه وهي متحملته لان عندها منه سبعه عيال بناتها الكبار متزوجات والصغار حياتي بالابتدائي اصغرهم عمره سبع سنوات المهم المرة ورثت من ابوها وخذت الفلوس وعطتهم زوجها وحط عليهم تقاعده واشتغل بألأسهم وظربت معاه واغتنى ........... طبعا بتقولون ماعندها سالفه تعطيه فلوسها مسيكينه هي شخصيتها ظعيفه قدامه ولاعب بحسبتها وهي بس تبي ترضيه عشان عيالها وعشان تسكته عطته فلوسها ومسيكينه لاعندها ابو ولا ام واخوانها كل واحد نفسي نفسي ومحد يمها قالت اعطيه الفلوس بس يفكني من شرة ومشاكله وقالت اقعد ببيتي مع عيالي لايقعد يسويلي مشاكل وانا ماوراي ظهر ولا لي الا هو المهم بعد فترة يوم رييش الرجال قام يروح البحرين واااااجد يابو زعم رايح شغل مع رجال الاعمال :D المهم مااطول عليكم بعد فترة صديقتي شافت عنده<<<<<يعني ابوها الاقشر جوال جديد عجبها قامت تحوس فيه بالصدفه لقت فيه مسج من وحده لا وبكل قوات عين مخزن الرقم باسم المرة هاذي :30: كاتبة له انا مسافرة الساعه الفلانية ومن هالكلام البنت طارت عيونها ما علمت امها قامت وقالت لاختها الكبيرة وخافت تعلم امها لاينخرب البيت ولاتصير مصيبه بين امها وابوها وتروح تتخانق معاه ويمد يده عليها........ قامت تفكر ووقف مخها قالت بدق عليها من رقم ثاني وسوت نفسها خبيرة تجميل من هاللي يتصلون ويبيعون مستحضرات تجميل ردت وقالت لها انا خبيرة تجميل وبسوي لك تنظيف بشرة مجانا عشان تجربين مستحظراتنا واذا عجبتك اشتري ........ المهم المرة طلعت مغربيه وعايشه بالبحرين بس قالت لها انا حاليا ماني بالبحرين قالت انا حاليا بالمغرب ولما ارجع اكلمك والطامه الكبرى ان الرجال اللحين ناوي يسافر المغرب :icon33: وصديقتي ماهي عارفة وش تسوي تقول لامها عن الموضوع ولا لا هي امها كلمته وقالت لا لاتسافر وقامت تترجاه لا يسافر عشان ولدك مراهق ولا يذاكر وهي ماتدري عن هالمرة اللي يعرفها بس تدرون قلب المرة دلليلها هي حاسة وظايق صدرها ولا ودها انه يسافر بس هو مصر انه يسافر لا واللي زاد الطين بله انه ناوي يقعد هناك ثلاث شهور وشاري اغراض للبيت تكفي سنه قدام وكل ماكلمته بالموضوع تخانق معاها وقام يتلكك عشان يسوي مشكله ويسافر يعننه زعلان <<<<<<<<<<<< والله في بعض الرجال ملاعين لهم طرق لئيمة
تكفون يابنات هي استشارتني وماهي عارفه وش تسوي ؟ تعلم امها ؟ تروح تكلم ابوها وتدج الموضوع بوجهه وتقول له انها تدري ولا تبي تعلم امها؟ مسيكينه نفسيتها صارت زي الزفت حتى زوجها معاد صارت تقعد معاه اربع وعشرين ساعه تصيح....والمشكله ابوها أقشر وهي تخاف منه وتخاف تكلمه يعاند ويروح يجيبها ويتزوجها ويحطها على قلبهم...... وتخاف ماتعلم امها ولا طاح الفاس بالراس تلومها وتقول لها انتي السبب انك ماعلمتيني................. بعد مايجوز ياخذ فلوس هالمسيكينه وورثها ويصرفها على الثانيه والله يابنات انا ماعرفت وش اقولها قلت اسأل حبيباتي بنات حواء يمكن القى عندهم حل ؟؟؟؟؟؟؟؟؟؟؟