تكفون يابنات الكويت

أم رولا .....( الصالونة) يعنى مرق لحم صح ولا أنا غلطانة وأذا صح تبينها على أيش يعنى ( باميه أو خضار أو أي صنف ثاني ) .
وحاضرين حبيبتى ،،

إي صالون يعني مرقه

أنا دايخه حدي .. بس باجر ان شاء الله اكتبها لج لو ما اسبقوني البنات :)

مشكورات خواتي ابيها بلحم بس اكلها زوجي بمطعم هندي ونهبل عليها وقلت ان مالي ال خواتي بنات الكويت والله يعطيكم الف عافيه وانا في انظاركم :26:

و خواتج الكويتيات ان شاء الله ما يقصرون معاج :)
و افهم من كلامك انك تبين مرق اللحم الهندي .. صح ؟

هذي الطريقة ماخذتها من كتاب المطاحن الكويتية .. و اهيا فعلا روووووووووعه
دايما اسويها و الكل يمدح فيها و تراها سهله

المقادير:
- 20 قطه من اللحم الهبر بدون عظم " أنا استخدمها مرات للحم بعظم و ما اتقيد بعدد القطع بس اقدر الكميه و ازيدها على هالاساس "
-3 ملعقة كبيرة معجون طماط
- 1 ملعقة صغيرة ثوم مدقوق
- 2 ملعقة صغيرة فلفل أخضر حار مفروم " أنا استخدم أقل لأني ما أحب الحار وايدر"
- 3 ملعقة كبيرة كزبر أخضر مفروم
- 4 ملاعق كبيرة زبدة
- 1 ملعقة كبيرة زيت
- 4 ملعقة كبيرة روب زبادي
- 2 ملعقة صغيرة جتني المانجا " أجار المانجا الهندي الجاهز اللي بالسوبر ماركت " و إذا مافيه لا يضيق خلقك سويها بدونه لاني ياما نسيت اضيفه بس اضافته أكيد أحلى
- ثلاثة أرباع كوب حليب جوز الهند " و هذا السر في كثافة المرق و طعمه المميز "
- ملح - بهار مخلوط أو جرام ماسالا - فلفل أحمر - كزبر ناشف و بودر - بصلة - و 2 ثوم

الطريقة :
- تسلق قطع اللحم مع بصلة و فصين ثوم حتى ينضج نوعا ما .
- في ماعون نخلط المعجون و الروب و البهار المخلوط و الفلفل الاحمر الحار و الثوم و الجتني و الملح و الكزبرة الناشفة .
- تسخن الزبدة مع الزيت ثم توضع قطع اللحم و تحمر جيدا . ثم تضاف خلطة الروب و البهارات و يترك على نار هاديه لما ينضج اللحم
- يضاف الفلفل الأخضر و الكزبرة الخضراء و حليب جوز الهند و يخلط جيدا و يترك على نار هاديه لحين التقديم .

تسلمين باشاميل الله يجزاك الف خير ومشكوره