تكفون يابنات تعبت ومليت تكفون تعالو واسوني وقولو لي انا على غلط او لا

الأسرة والمجتمع

مساء الخير ياحلى حوائيات
انا يابنات متزوجه من 12سنه كنت احلم ببيت يضفني وزوج يحبني واطفال يملون علي حياتي اتوقع حلمي مثل حلم اي فتاة تتمنى الاستقرار والحياه السعيده تزوجت وكان عمري 21سنه وزوجي كان عمره 34سنه يعني اكبر مني ب13سنه واشترط لي ابوي الله يرحمه ويغفر له بعقد الزواج بيت شرعي مستغل زوجي متزوج ومسكن زوجته ببيت ملك واثاث فخم وجديد وعنده 4عيال و2بنات يعني كلهم 6 وزوجته كانت تعبانه المهم بالبدايه سكني بشقه صغيره واثاثها متهالك وغرفة نوم منهريه من كثر الاستخدام وستاير قديمه وكان البيت ساكنينه قبلنا هنود المهم صبرت وفرش البيت فرش جديد ورخيص واثث المطبخ اثاث يأدي الغرض وبعد سنه شرا لي غرفة نوم جديده وجلست بالشقه 3سنوات وبعدين بنا لي فوق زوجته دور ثاني واثثه لي اثاث جديد وفخم المهم زوجته توفت بعد زواجي ب3سنوات وعياله السته شياطين بدرجه ماتصورونه ولايحترمون احد يغلطون ويسبون ويخربون ولايخافون من احد لدرجة بعد وفاة امهم ماحد تحملهم غيري والله لاخوالهم ولاجدتهم ام امهم سألو عنهم ولا عمامهم ولاجدتهم ام ابوهم سألت عنهم الكل كان مايبغاهم بسبب انهم شياطين ولايعتبرون لاحد اي اعتباروالله ان خالتهم تكلمني تقول الله يعينك عليهم انا اذا جوني جننوني حتى جيراني ماسلمو من شرهم قلت يمكن يزورونك قالت لا لايجوني المهم تحملتهم وجرى لي الويل منهم ومن ابوهم والله حتى غرفة نومي يدخلونها ويفتحون الدرج ويدورون الي يبونه وياخذون غرضهم والله حتى وانا نايمه على السرير يدخلون عند ابوهم ويكلمونه ويطلعون انا نايمه على السرير ومتمدده مايعتبرون لي اي اعتبار لاهم ولا ابوهم المشكله انهم الان كبار اعمارهم 20 و19 و18 يعني عيب يدخلون غرفة نومي بس مين يسمع الابو ماهميته والله يابنات ان البنات الثنتين كل من شافهم يقول غير عن يوم امهم عايشه من يومهن صغار اعمارهن 8سنوات و9سنوات الان اعمارهم 15و 16 والله اني ادور الاسواق دور لحد مااتعب عشان اشتري لهم احسن لبس واجيب لهم كل الي يستخدمونه بنات جيلهن والله اني مااخليهن يلمسن شي بالبيت لان عندي خدامه وماني بحاجتهم الا من سنتين بديت اعلمهم يصلحون الغدا وينظفون وبايام الاجازات فقط ولا هو دايم احيانن كل هذا عشان مصلحتهم عشان يتعلمون والولد الصغير جاني وعمره 4سنوات والان عمره 12سنه والله اني مااميز بينه وبين عيالي كل الي اجيبه لعيالي اجيبه له والله اني اطلعهم الملاهي على حسابي من مصروفي الشخصي وعشيهم برا واشتري لهم الان مشكلتي هي عياله مايحترموني ويغلطون علي قدام ابوهم ويقولون مالك احترام عندنا وابوهم يسمع والله ماحرك ساكن ولا نطق ولا حرف وانا يسب علي قدامهم ويهينني واليوم يقول مالك عندي اي قدر ولا احترام قلت على الاقل رد جميلي ووقفتي معك بعد وفات ام عيالك انا الوحيده الي تحملت عيالك لا امك ولا اهلك ولا ام زوجتك تحملوهم قال الله لايشكر لك فضل توقعت ان جميلي بيشيله فوق راسه توقعت ان يخلي لي قدر وحترام بالبيت ولايرضى احد يقل ادبه علي بس لقيت العكس يحترم عياله ويقول عيالي صارو رجال لازم تحترمينهم طيب وانا الي مقام امهم مالي احترام بالبيت لاعندك ولا عندهم قال لا بالله وش رايكم ويقول لي انتي عجوز مافيكي اي شي زين ويصلح انا بتزوج المشكله اني انا الان عمري 33سنه وهو عمره 46سنه والله اني بعد هالكلام اني كرهته كره ماتوقع اني برجع احبه حتى لو اعتذر لان القلب يانكسر وانجرح عمره مايطيب
والله اني تمنيت الشقه المعفنه الي سكنت فيها ايام زواجي تمنيت لو اني فيه انا وعيالي ولا يشاركني فيها احد وانام وانا مرتاحه لاهم ولا نكد ولا مشاكل واحفظ قيمتي وقدري واحترامي قدام عيالي المشكله ان عيالي صغار اكبرهم ام 11سنه واصغرهم ابو سنتين يقلدون اخوانهم باي شي اخاف بكرى مايحترموني ويغلطون علي يبغون مثلهم والله لولا عيالي كان ماتحملت ولا دقيقه مافيه شي استخسره غير عيالي وال500ريال الي يعطيني اياها نهاية كل شهرنا
الله يجزاكم خير انا ماقلت شي وارجي الاجر عند الله ولا ذكرته اني قايمه بعياله الا لما شفت اهانتي قلت يمكن قلبه يلين افهموني ابغى احترام مهما كان انا ماني كلب انا انسانه ولي قدري وقيمتي واحترامي حتى الحيوانات لها قيمه فمابالك بانسان والله العظيم ان فيه اشياء ماقلتها لاني تعبت من الكتابه مثل الضرب والتجريح الي عانيته منه قبل شهر يقول انتي كليتيني انتي وعيالك عيالي اليتامى زي مساكين بالبيت وانا ماغير اصرف على عيالك انا مابغاكي انا كرهتك الله يلعن الساعه الي شفتك فيها
معن والله الذي لااله الا هو ان عيالي يدرسون مدارس حكوميه وشهيتهم مسدوده ماياكلون زين ودايم تعبانين وعياله الكبار مدارس اهليه وسيارات جديده ومصروف واكل وشرب والله العظيم انهم يالله يمشون من السمنه اما عيالي والله العظيم انهم من شدة النحافه الكل يقول ليش عيالك كذا شكلهم مايتغذون والي يسألوني اهل زوجي وحريم اخوانه يقولون ماشاء الله فرق بين عيالك وعيال زوجك عيال زوجك مستصحين والله يوم سافرت بالاجازه الي فاتت خليت عيالي عند اهلي والله العظيم ماحط لهم مصروف الا 300ريال وعيالي 6اطفال وعياله الثانين سلمهم الصرافات الثنتين هاه وش رايكم

يتــــــــبع الرد 22
61
11K

يلزم عليك تسجيل الدخول أولًا لكتابة تعليق.

تسجيل دخول

زائرة
لاحول ولاقوة الا بالله
حبيبتي صبرتي 12 سنه وربيتي راح الكثير مابقا الا القليل كلها سنه وسنتين والعيال يروحون في طريقهم والخير اللي سويتيه انسيه نهائي لا عاد تذكرينه لهم ولا لاي احد وانت سويتيه لربك مو لشكر زوجك او الناس وباذن الله ربي بيعوضك خير سواء في الدنيا قبل الاخره يارب
روابينا
روابينا
زواجك من متزوج بدايه المواجهه مع المشاكل ....هكذا زوج ...يبحث عن ثانيه وثالثه ورابعه ولايشبع لان من كلامك هو يعطي تأريخ انتهاء صلاحيه للمرأه....اولاده كبار قادرين على اعالة نفسهم وانت مو مسؤوله عن أحد ...لاتجادليهم ولاتردين عليهم ...ولاتأذيهم بنفس الوقت لان هم مراهقين ...والله يعينك ..ويجازيك بالخير على تحملهم
سلسالهال
سلسالهال
استغفر الله واتوب اليه
ارجوان الافق
ارجوان الافق
الله يعينك
*حرام كسر الخواطر*
الله يبارك فيك علي كل ما سويتي لعيال زوجك

أنصحك أنك تهتمي بنفسك ماشاء الله عليك الله يبارك لك في عمرك في عز الشباب ماتهتمي لكلام زوجك أهتمي بنفسك شكلك وتقوية من تقة بنفسك وأكيد أهم شئ صلة بربك وبكثرة العبادة

عيال زوجك اتجاهليهم قومي بواجبك لوجه الله الله يرضيك في الدنيا قبل الاخري وماتتركي أولادك يختلطوا بيهم كثير وفهميهم الرد علي الكبار قلة أدب وماحد يحبها خليهم يهابوك اتجاهليهم انت تعاندي معاهم يمكن وغرفة اقفليها عليك ولو طق الباب احدهم خلي بوهم يفتح ويتكلم معاهم وفهميهم الي يريد بوه ينتظره يكلمه لم ينزل وبعدين هم كبروا بكره يتزوجوا ويروحوا وتبقي بالبيت مع عيالك فأهتمي بيهم

يمكن بكره يتزوج عليك خلي العيب فيه

أهتمي بنفسك


أهتمي بنفسك


أهتمي بنفسك


أهتمي بنفسك


أهتمي بنفسك