الناعمة.نت :

ابي بشرة الفنانات اللي بالمسلسل التركي العشق الممنوع

ابي بشرة الفنانات اللي بالمسلسل التركي العشق الممنوع

r1ksa :

ابيك تركزين معي حبيبتي انا وحده مجربه عدة امور و بقول لك بشرتي حنطيه فاتحه - دهنيه - تطلع حبوب - تبقع بسرعه - مسامات واسعه اول شي و اهم شي واللي بدونه ما راح تتغيرين هو الغذاااااء كنت اسوي دايت صحي حييييييل واخذ فيتامينات جودتها عاليه والله العظيم ما كذبت عليك .. خدودي كانوا حممممممر من الصحه والنضاره طيب وش كنت اكل؟؟ اولا البروتينات الصحيه : مو اقل من بيضه و ربع دجاجه يوميا تاكلينهم ثانيا الالبان: كاس حليب و علبة زبادي قليل الدسم يوميا طبعا ثالثا الفواكه والخضره والسلطه: كنت يوميا اكل حبة فواكه و غالبا برتقاله او فراوله لاني ما احب الفواكه اصلا + صحن سلطه ((سلطتي المفضله خس و بقدونس و خيار و نعناع و فلفل اخضر)) + كوب خضار مطبوخه بدون زيت و الخضار كنت اضيفها للمكرونه حقة الرجيم او الرز حق الرجيم او اكلها مع الدجاج او جزأ منها مع البيضه على انه اومليت رابعا: حبوب فيتامين ممتازه .. اللي كنت اخذها انقطعت للاسف فا استبدلتها بفيتامينات منوعه + حبة زنك + حبة فوليك اسيد خامسا اشربي زنجبيل وقرفه و مشروبات تحرك الدوره الدمويه و مايمنع تعملين لك مشروبات مكونه من الفواكه الحمراء ((توت-كرز-فراوله-رمان-شمندر)) اتركي الاكل المسبك ((اكل البيت ابو بهارات ودهن)) و اللي بهاراته كثير واتركي الحلويات والسناك والمطاعم.. ترى هالاكل يطلع ريحه بالجسم مو حلوه و يتعب البطن و يطلع حبوب و يبهت البشره دائما امضغي ورق نعناع و حطي في الماء شوي ماء ورد نجي للعنايه الخارجيه: حددي مشاكل بشرتك البهتان يحتاج تغذيه طبعا و يحتاج عنايه خارجيه .. تقدرين تتخلصين منه بالتقشير الجيد حطي في اقنعة التقشير قرفه عشان تحرك الدم بوجهك وجسمك ((نص ملعقه صغيره قرفه + ملقعه صغيره مقشرك المفضل)) استخدمي اقنعه ترطيب و تنظيف مثلا من المكونات الجيده نيدو تانج زيت اللوز زيت جنين القمح لوشن بيبي جونسون ((للتنظيف قبل النوم بدل الميلك)) ادهني شفايفك بفازلين حطي كريمات تزيد نضارة البشره وترفع معدل الرطوبه ((الماء)) فيها مثلا جليسوليد جيد جدا لهالمهمه نامي مالا يقل عن 8 ساعات ونامي بدري عشان تصحين وانتي نضره سر الجمال والصحه والحياه .. لترين ماء يوميا و قللي قهوه و مشروبات غازيه ترى اهتمامك باكلك هو سر جمالك هذا اللي يحضرني لو عندك مشكله معينه اطرحيها وراح نتعاون بايجاد حلول باذن الله

ابيك تركزين معي حبيبتي انا وحده مجربه عدة امور و بقول لك بشرتي حنطيه فاتحه - دهنيه - تطلع حبوب -...