تكفون يابنات طلبتكم طلبة لا تردوني تكفون عندنا طبق خيري يوم الثلاثاء وأبيكم تساعدوني

وعليكم السلام ورحمة الله وبركاته
إذا سؤالك عن كيفية التزيين ا لطريقه الأعتياديه الي عند بوريالين وكم بالونه فقط
مافهمت وش قصدك بالسنبوسه ؟؟؟
أختي وضحي وأحنى جاهزين نساعدك

هلا اختي..

بالنسبه للسنبوسه..

1. ممكن تحشينها جبن كيري(لازم كيري ولا يطلع مب حلو مع الشيره).. وتسقينها بالشيره وتحطين عليها فستق مطحون :)

2. ممكن تحشينها خضره مشكله.. الخضار المشكله المجمده تحطين معها بطاطا وبصل وتسوين الحشوه على النار وخلاف تحشين بها السنبوسه..

3. ممكن تحشينها دياي مفروم.. تحمسين البصل وتحطين وياه بازلا والدياي وشوي صلصه عشان اللون .. وممكن تحطين الهم جبن مبشور وانتي تحشين السمبوسه :)

هذا اللي يا على بالي الحين.. اذا تذكرت شي خلاف برجع اقولج :)

وعليكم السلام فيه أفكار إنك تحطين المفارش مخمل وتركبين كلفة على الأطراف وتكون من جهة تسحب ومن جهه مزمومة وتنثرين فوقه ورد مجفف له ريحة حلوة وتحطين كم علبة مناديل تكون مشتغلتها بنفس الألوان اللي أنت محددتها لكن الخامة مختلفة
ممكن تسألي عنها في قسم الفن والديكور أكيد أنهم أخبر أو مدرسات رياض الأطفال بعد عندهم باع طويل
هذا اللي عندي
وعلى طاري السنبوسة تعرفين اللي تحطين فوقها زعتر بعدين تقلينها وفيه فكرة السبرنق رول
وفيه العادية اللحم أو الدجاج أو البيض المسلوق مع الجبن التشدر والبقدونس يم يم وفيه بالجبنة المالحة مع النعناع
الله يوفقك وييسر أمرك

يا هلا والله بكل من رد علي ومشكورين وما تقصرون .....الأخت غيمة أمل أقصد علي إني أسوي السنبوسة وذا عندكم حشوات جديدة علموني خصوصاً اللحم والجبن أو إذا في حشوات مبتكرة
غزلان الصحارييعطيك العافية واذا عندك بعد عطيني ماتقصرين:)

شمس بيتنا ياليت تقولين لي اللي فيها زعتر كيف تسوينها والسبرنق رول :)
وافكارك مرة روعة بس ياليت تركزون على السقف وش نحط فيه البعض قال شيفونات وتكون نازله على تحت يعني مثل محلات الحلويات والمطاعم والبعض منتظرين أرد عليهم بعد ما تردون علي طبعاً:27:
يعني العمل متوقف عليّ وبالنسبة للألوان اخترنا العنابي والوردي مدموجات على بعض

أرجوكم لاتبخلون علي وأكون شاكرة لكم :27:

هلا والله بالنسبة لسنبوسة الزعتر : تحشين المبوسة بالجبنة عادي بعدين تغطينها بالبيض أو بزيت الزيتون ( ( وبعدين تقلينها))
السبرنق رول تشترين العجينة جاهزة من المحلات الكبيرة هي تجي مربعات كبيرة شوي ورهيفة مرة تفككينها وتحشينها بخلطة الدجاج مع المايونيز والشلة وتسكرينها بشوية عجينه بعدين تقلينها
طريق لفها : خلي الشكل معين وحطي الحشوة من أسفلها سكريها من الجوانب ثم لفيها مثل ورق العنب
مأدري إن كانك فهمتي علي وإلا لا أرجوا إن شرحي واضح ـ والله ما أدري عني ـ
المهم جربيها وعلميني نجحت معاك وإلا لا