تكفون يابنات لاتخلوني ساعدوني الله يجزاكم خير

السلام عليكم ورحمه الله وبركاته


يابنات اانا والله كنت ادخل منتداكم واوشوف ردودكم وحل مشاكلكم مع بعض وحبيت تساعدوني لاتبخلوون علي الله يسهل عليكم ويرزقكم ؟.


انا عمري 20 سنه تزوجت وكنت 17 سنه وعندي ولد وبنت ولله الفضل وطبعا يسوون عيوني

لكن ابوهم ذبحني والله اني اكتب ودمعتي على عيني الله لاينزل دموعكم يارب اسمعوني ... انا اول ماتزوجته كان يموت فيني ويحبني ويشوفني اجمل انسانه وانا ولله الحمد مزيونه ماعلي قاصروجسمي حتى بعد الولاده ماتغير للحين حلوو ومافيني شي يعيبني حتى هو يقول جنج ماجبتي ولد وبنت

بس هو كان يغازل وحده ومن تزوجنا قطع عنها 3 شهور وغير رقمه عشان ماتسبب لنا مشاكل

ولكنها الله لايوقفها طلعت رقمه الجديد ودقت عليه وهو من 4 سنين يكلمها وللحين ماتركها واذا واجهته ينكر وانا مااخبي عليكم دقيت عليها وهواشتها وطلعت حرتي وقالت ماراح ادق على زوجج مره ثانيه

لكن للاسف ماوفت بوعدها وللحين تدق وهو طبعا مهملني بشكل ماتتصورونه وصاير ينام في غرفه وانا في غرفه بحجة ان عيالي يزعجونه مع ان عندي خدامه بس عيالي عندي اخاف عليهم واغلب الوقت نايمين ولكن مايجي صوبي ولاحتى يقولي كلمه حلووه


وانا تعبت مدري شسوي تكفووون ساعدوني