تكفون يابنات وياامهات وحوامل

السلام عليكم كيفكن انا متابعه قديمه بس تو اسجل
انا حامل بالشهر الرابع وللمره الثالثه ولاداتي الي قبل
كنت اتابع بالحرس واولد فيه قمه بالمواعيد والولاده ممتازه وروعه لان كانزوجي عمله تبع الحرس والحين من سنه تركه وانا تمرمطت مع المستوصفات راجعت مستوصف الحي الخليج والنهضه استهتار واهمال للمراجعات تخيلو تحليل مافيه كل شوي عذر مره الجهاز خربان ومره معلق ومره مافيه احد طبعا اشعه مافيه ولاشافت الدكتوره فيه نبض او لا طبعا الدكتوره سودانيه بعدين قلت مافيه الا انياروح لم اليمامه جيتهم قالو لازم تحويل من المستوصف طبعا الدكتوره تقول مااعطيك الا بالشهر الثامن وجيت مره ثانيه ولقيت الدكتوره فاتن سعوديه الله يوفقها على طول عطتني تحويل لليمامه جيته وماادراك من مستشفى صارت الدكتوره هنديه وتقول وشوله جايه بالشهر الرابع قلت ابي اشعه وتحاليل قالت ليش ماصلحتي بالمستوصف قلت ماعندهم قالت ماالتوقع نصلح لتس اشعه ماحنا مسولين طبعا هي راحت تصلح اوراق لها او لاحد تعرفه وعندها وحده سعويه عطتني التحليل والعلاج وتقول روحي للاشعه شوفي يعطونتس موعد او لا مع اني مااتوقع قلت طيب اذا ماعطوني وين اروح قالت روحي للخاص حنا ماحنا مسوليين قلت مستشفى حكومي وش كبره ولا انتم مسوليين طيب ماديا مااقدر اروح لخاص وش اسوي وين اروح واجي الاشعه ويحجزون موعد بشهر عشره صراحه بكيت على الحرس وايامه وجلست ادعي من كل قلبي على المستوصف والمستشفى من كل قلبي اذا جاني شي ولا الجنين عسا هم مايتهنون بحياتهم خلاص ياخي مانت قد الوظيفه والمسؤليه وشوله ماسكها عطوها ناس ثقه لكن حسبي الله ونعم الوكيل ادعو اني تجيني فلوس او تقبل الواسطه علشان اراجع بالحرس مع اني والده فيه من اربع سنوات هالحين مادري عنه ياليت الي لها متابعه بالحرس او اليمامه تقول كل شي عنه والي تتابع على حسابها كم التكلفه تكفن نخيتكن