تكفون ياحريم يابنات ماااعرف اسوي قهوه تعالو ساعدونني

السلام عليكم ..
مرة جيرانكم إما إنها تستخدم اللون الأصفر ..وهو مايعطي طعم فقط لون ..!!
أما إن كانت زاكيه جداً فهو أكيد ..
(( الزعفران )) وهو من الأساسيات مع الهيل ..
لضبط القهوه ..
وتطييب طعمها ..
المهم نجي للمفيد أيتها السائله والمستنجده <<< :22:
القهوه لازم تكون نوع جيد أنا مثلاً قهوتي هرري
آخذ الكيس بكبره وأحمسه حمسة غامقه شويه
أقرّب لونها شويّه ..
أقدر أقول لونها للعودي أقرب ..
أحياناً أوديها للطحان كلها يطحنها ..
وأحياناً جزء مطحون والباقي حب ..
المهم في كلا الحالتين تكون القهوه في الفريزر ـ
وطريقة فرزنتي لها ..
إني أوزع القهوه بأكياس نايلون
وأدخلها في برطمانات زجاجيه كبار تقريباً 3 أشتريتهم من إيكيا
وآخذ حاجتي في برطمان صغير وأخليه قريب عندي في الثلاجه ـ
وطريقتي في إعداد القهوه كالتالي /
عادة الزمزميّه الكبير ه تحتاج لفنجان من القهوه
والزمزميّه الصغيره نصف الفنجان
نغلي الماء ونضع 3 أكواب في إبريق على النار
ونضع حبات العويدي تقريباً خمس أو أربع
ونضع فنجان قهوه
ونتركها تطبخ على نار معتدله لمدة 10 أو 7 دقايق كفايه عليها ـ
بعد كذا نضع ملعقة صغيره من الهيل المطحون وشوية زعفران في وسط الزمزميه أو ( دلة القهوه )
بعدها نضع المشخله الصغيره على فوهة الزمزميه( أو دلة القهوه)
ونسكب القهوه بهدوء وإن إحتاجت ماء نضيف ماء مغلي مباشرة إلى الزمزميّه ..
ثم نقدمها مع الحلو والتمر ـ
**
*
ودمتي سالمه غانمه ..
تراي جايبه الجهده في شرح طريقتي ..
الله يجعل لي فيها أجر لكل من استفادت ـ
***
**
*
سي يو لتر ..

http://forum.hawaaworld.com/showthread.php?t=1206296

جزاكم الله خيرا
فعلا فية ناس قهوتهم ليها اسرار اذ قلتى لها تعطيك الطريقة واذ سويتيها تعرفين انها كانت تصرفك خاصة بعضهم نفسى اعرف اسم زعفرانهم اونوع الهيل يكون مطحون ناعم ولاخشن او اسم القهوة ونواعها تقوالك اهم شى مو رخيص ماتقوالك الاسم ولا شكل العلبة اعوذ بالله كانها اذ اعطتك بضمير بينقص يوم من عمرها على العموم انتم ماتقصرون ومنكم نستفيد

ثلج الرياض

مشكووره حبيبتـــي والله مدري وش اسم قهوتنا بس هي من الزينه

دوسريه
يعطيك الف عاااااااااااافيه حبيبتي مشكوره


بنت الجنوب مشكوره ياعمري ع المرور

يا طويلة العمر
القهوه هرري نحمسها حمسه وسط هذا اللي نفضله بالبيت
بعدين نقيس كمية المويه في غلاية القهوه ونضيف لها شوية زعفران وأخليه يطبخ مع المويه لين تغلي بعدين اضيف القهوه واقصر النار على اخر شي
واخليها لين تقول ارحمييييييييييييني كل ما طولت على نار هاديه كل ما صارت تعدل الدماغ :)

يعني تقريبا من 15 دقيقه لين 20
نجهز الزمزميه واحط فيها 3 ملاعق صغيره هيل مطحون
لاكن الهيل يكون لسى مطحون هذا السر في القهوه الهيل تطحنينه وقت الاستعمال لين طحنتيه وحطيتيه عند بعلبه يفثل وما يصير له طعم :09:
بعدين تشخلين القهوه في الزمزميه وتخلينها شوي 10 دقايق بعدين عليك بالعافيه