تكفون ياخواتي أبي مشورتكم وفزعتكم

انا تخاصمت انا وزوجي على موضوع تافه قبل أسبوعين وبعدها شلت عليه وصرت اسوي واجباتي معاه زي الطبخ والتنظيف وبس لكن صرت رسمية معاه بالمرة ومطنشة نروح ونجي ونطلع لكن برسمية لاضحك ولا سوالف ولا شي كلمة ورد غطاها لأني أبي افسخه من انه يغلط ومعاد يفكر يعتذر قلت أطول الرسمية بيني وبينه هذي المرة عشان يجي يراضيني لانه تعود انا اللي أبدى أراضيه المهم هوه ساحب عنده عادي والوضع عنده عادي كملت الحين 15 يوم على هذي الحالة حتى مايقرب جنبي او يصير بيننا شي يبيني انا أبدى في كل شي
15 يوم مالمسني وعادي عنده
صدقوني انا مافرقت معاي ولاهمني هذا الشي بقدر ماهمني انه يشتاق لي ومايرضى علي كيف يقدر يصبر مني
ليش يبيني انا أبدى حتى بهذاك الشي ليش هذا البرود
لكن انا باستمر لان عندي كرامة واسوي انه ماهمني عشان مايتعود يتركني كذا وينتضرني انا أبدى بكل شي هوه الرجال مو انا لكن باقوم بواجباتي الباقية الطبخ وتنضيف البيت وملابسه
تكفون يااخوات نفسيتي تعبت إلى درجة كبيرة
شوروا علي بشور في صالحي وهل مرت عليكم مشكلتي بيوم من الأيام مع أزواجكم