تكفون ياخواتي ابي خبرتكم بالموضوع كيف اخذ من أثر هالرجال ؟

السلام عليكم
خواتي انا عندي سالفة ملحة علي بستشيركم فيها الله يجزاكم خير
خواتي انا مطلقة من حوالي 11 سنة
والحمدلله عندي بنت الحين عمرها حوالي 12 بسادس ابتدائي والحمدلله ادري نصيب والله عنده خير وعمري حول36
ومن بعد الطلاق ونادرا ماانخطب والحمدلله على كل حال والله يعوضني ويعوضكم خير
المهم بقولكم عن شي سبحان الله قبل لااتزوج خطابي كثار ومن ضمنهم ثلاثة واحد خطبني ويوم ردوه اهلي قال مااخذ الا هي همن اشوى الحمدلله اعرس وجاب عيال الثاني خطبني ورديناه همن اعرس ويوم تطلقت رجع خطب ولا وافقت بنتي صغيرة ومكان اقامته مهوب بمدينتي
الثالث هو السالفة اللي بشاوركم بها هو قريبي جدا كان معيي يعرس يوم قالو له اهله نخطب لك فلانه قال ايه خطبني وردوه اهلي قال اذا مااخذت فلانه مااعرس وسبحان الله الحين عمره فوق الاربعين ويوم يخطبوني له كنت ادرس بالجامعة يمكن عمره 26 المهم ياخواتي الرجال ذا مارجع خطب بعد الطلاق والله يسهل له امره
بس انا اسمع عن سالفة انه تعلق نفس الرجال بالحرمة وانه تنحاس حياة اللي رجال تعلق عينه بها
الله يحفظنا آمين ماابي اوسوس ولا اقعد افكر بزي هالشي بس سبحان الله قلت بشاوركم
ابي مشورتكم الرجال هذا مايزورنا ولا نزورهم يعني وشلون اخذ اثر
ابوه بس اللي يزورنا ؟؟ وودي اقول لاامي خل نمر على بيتهم ونمسح مقبض باب بيتهم بس ماودي امي تفهم اني موسوسة وانا لقيت ظرف مرسله الرجال هذا لامي عن طريق ابوه ومكتوب عليه بخط اليد لعمتي تتوقعون يكفي اذا نقعت الظرف لانه لامسه
وبعد ذولا الثنين ابي اخذ لهم اثر هم يقربون لرجال ثنتين من خواتي وماتأكدت هل هم يجون لبيوت خواتي اخذ اثر مقابض بيوتهم اولا وبعد ابي اخذ اثر لابو بنتي وهو مايدخل علينا يعني يوقف على الباب يكفي مسح الجرس ؟
ابي ياخواتي خبرتكم وهل هالاهاجس الملح علي له
ابي مشورتكم والله يجزاكم خير ويحفظكم