تكفون ياخواتي ساعدوني

السلام عليكم ورحمت الله كيفكم يابنات بجد مالجات لكم الا لان ماعندي احد اشكيله طبعا بعد المشاكل اللي صارت بيني وبين زوجي والانفصال اللي طاااال سنتين والحين رجعت لزوجي بس المشكله هو اللي ظل يرسل ويبيني وانا بصراحه بعد مارجعت وقبل ماارجع فيه اشياء تطفش وقهر وبجد احس الحين رجع لي نفس الاحساس الاول قبل المشاكل وهو اني بديت اكرهه من تصرفاته معي مع العلم اني انا وياه كل واحد من بيئه وما حنا اقارب يعني كانو جيراننا اول المهم هو ملتزم وانا لا وفري جدا وامه وخواته يدرون ويشوفوني ومع هذا خطبوني له وبعد الزواج بدت المشاكل بصراحه انا انصدمت من تصرفاته اللي موبعقل واللي بحياتي ماشفت مثلها وللاسف لما رجعت له ظنيت انه تعدل وتغير لكنن مثل ماهو وازود وانا ندمت الحين اشد الندم اني رجعت تخيلو كل شي فيني ما يعجبه غيرته عشانه لاني كنت احبه صرت البس حجاب محتشم وقفاز وشراب وصرت مااروح لسوق الا مره بالشهر وكل شي اخذه لي ولولدي بسرعه عشانه يكره السوق وطلعات وروحات كلها كنسلتها من حياتي عشانه يعني من ناحيتي كل شي يبيه اسويه وطبعا هو مبسط وشايف انه له الحق بامتلاكي امتلاك وليس حب المشكله انه يكره اهلي وابوي كره العمى ويكره اقاربي ويرفض اروح لامي وابوي وخوالي وعمامي انا تنازلت قلت خلاص مااروح الا بالمناسبات الكبيره يعني زواجات واعياد شوفن يعني كل التنازلات اللي قدمتها وارضيته وهو شايف انه غصب عني اسويها لانه له الحق بالمقابل اطلب منه اني اروح لهلي مرتين بالاسبوع يرفض رفض قاطع ويقول مافي غير يوم الخميس من الساعه 6 الى الساعه 12 والله قهر يابنات انا بجد حاسه بغبن وقهر كل حياتي اللي عند اهلي نستها وقطيتها ورى ظهر وهو عشان صلة رحم رافض يتنازل مع العلم ان بيت اهلي قريب مررررره من بيتي وبالنسبه لخوالي واعمامي رافض ادخل بيوتهم هذا وهو ملتزم ويدعي الدين وربي كرهته وكرة تحكمه الغير مبرر فيني والحين انا ندمانه بجد اني رجعت له بعد ماكنا راح ننفصل مع العلم انه شايف المنه ولفضل له هو برجعتي وكل ماناقشته قالي معجك اهلا وسهلا مو معجبك الباب يوسع جمل ودايما يخلي الغلط علي وهو اللي صح حتى لو الحاجه ماتعجبني يقول المره العاقله واللي تستحي تعرف ان كلامي صح وربي اني في هم مايعلم فيه الاالله وعايشه معه عشان ولدي وعشان اللي في بطني وصابره وربي اي مقرره بس يوصل ولدي15 سنه راح اطلق منه واعيش حياتي بكرامتي وبكل مايرضي ربي مع العلم ان عمري 24وعمره36 وولدي عمره3 سنوات :(