الغربة صعبة و خاصتاً ع الشباب .. و من وجهت نظري كطالبة بأمريكا

لاااااااااا تخليه يسافر

مستقبلوا بـ بلدوا بضل أحسن من الغربة بـ بلاد برا

تحياتي

على حسب الولد
إذا كان على يقدر يتحمل الفتن و المسؤولية الله يوفقه

الله يجزا كل من ردت علي خير الجزاء ويجيبها لهلها عاجل غير أجل......آمين
أخوي الله يحفظه من عائله محافظه ماشاء الله
بس من دخل الجامعه واشوف عليه بعض التغيرات وهذا الي مخوفني عليه الله يهديه ويهدي شباب المسلمين

طيب وش تنصحوني فيه لو راح هناك؟لأن الفكره داخله مزاجه وشكلي ما اقدر أغيرها ؟
أبي الله يعطيكم العافيه بعض النصايح؟؟؟
والف شكر لكل الي ردوا.........

لو انتي مغتربه في مكان معيين خليه يجي المنطقه اللي انتي فيها ويصير تحت نظرك

حتى لو انتي راجعه مثلا قريب على الاقل تكونين رتبتي له أموره مع زوجك

شوفي غاليتي اهم شي الصحبه وهالله هالله بالتذكير يعني كل ماكلمتوه تذكرونه بالصلاه بالذكر بالقرءان وباساليب مشوقه ولامانع من الترهيب من فعل المنكرات ووو

وربنا يوفق أخوك

انا زوجي قبل اتزوج كان مبتعث وعمره 18 سنه وربنا حماه ووفقه والحين ماشاء الله يتذكر هذيك الايام ومافيها

وكل اللي قلته لك عن تجربته الماضيه واش الاشياء اللي كان يحتاجها لما يسمع صوت أهله

أهم شي التواصي بتقوى الله عز وجل

أتق الله يافلان

وربنا يسهل اموركم

الله يكتب له الخير

شوفي الاغلب ينصح لا لأننا شفنا شي عجيب من الشباب اللي يدرسون برى
خمر ومراقص قله ادب وانا ماابالغ في هذا الكلام
واللغه الله يخلف لدرجة انه الملحقيه سحبت مجموعه كبيره ورجعتهم للسعوديه لانهم ضيعوا دراستهم وقبل كل شي دينهم


لكن لكن لكن ماشاء الله في مجموعه من الشباب الله يثبتهم ماشيين تمام
من الجامعه الى البيت ومن البيت الى الجامعه وطلعات مع الشباب السعوديين
او مع اصدقاء مو سعوديين بس انهم عارفين طريقهم صح يعني ما يقدر ياثر عليهم الصديق السيئ
الله يحفظهم ويثبتهم وماشاء الله درجاتهم من اعلى الدرجات ومن افضل الطلاب في الجامعه



يعني كله راجع على اخوك هل هو سريع التاثير من الاصدقاء السيئين
لانه الصديق والله كل شي بالذات في الغربه اذا ربي رزقه بصديق صالح راح يمشي تمام
واذا لقي له مجموعه سيئه الله يخلف واهم شي ما ياتأثر بهم
هل فعلا همه الدراسه والا يجرب حظه على قولتهم

وعشان تستفيدي اكثر شوفي ملتقى الطلاب السعوديين في امريكا
سوي بحث له في قوقل بس اكتبي ملتقى الطلاب السعوديين في امريكا
اذا ما عرفتي ممكن ارسل لك على الخاص لانه هنا اخاف يكون ممنوع
واقري عن المنطقه اللي بيروحوها
او قولي لنا ايش هي واحنا ممكن نفيدك بمعلومات عنها
هل فيها مساجد ومسلمين وهل فيها بقالات عربيه


وانصحك تخلينه يروح جامعه مافيها سعوديين كثيير بالذات عزابيه او صغار بين 20 و 17

لانهم يضيعون بعض ولا يستفيدوا من اللغه


والله يكتب لاخوك الخير وييسر امره





واسفه على الاطاله