تكفون يالنشاما ساعدونننننني

هلا والله ومسهلا بعسولات حواء وش اخباركم >>>> تتميلح
بنات ابغى منكم مسااااعده تكفون ودي اسوي ليله رومنسية بريه لزوجي >>> امحق رومنسية
الزبدة :
زوجي يمووووت بالبر وودي اسوي له ليلة بريه بس بغرفتي يعني بقولكم وشلون وانتم عطوني اقتراحاتكم وارائكم ومشورتكم >>> يازنك ساكته
طبعا انا اذا طلعت وياه طلعه بريه وش نسوي بقولكم
نلبق الجيب على جنب ونفرش البساط ونجلس وابو الشباب يحفر حفرة ويحط فيها حطب ويشب النار ويحط عليه القهوة والشاي وهو عنده عزبه للشاي وعزبه للقهوة
عزبة : يعني معدات او ادوات خخخخخخخخخخخ
وبعدين يشوي مرة لحم ومرة سمك ومرة دجاج >>> كوكتيل صار
المهم انا فكرت اسوي كذا بالبيت يعني اسوي بالكراتين وياكثرها بالبيت اسوي جيب تصدقون عندي كراتين الحاسب مارميتها >>> توهم شارينه وودي اسوي فيها الجيب بس ماعرفت شلون
وبعد بجيب رواق واعلقه على الجدار من الزاوية بس وبكرتون البيض بحط الفحم واسياخ الكباب يعني برش الكرتون واقطعه وابخه باسود واحمر وفضي مثل الفحم طبعا بكون مصلحه شاي وقهوة
بس ودي بشي انثرة على الارض يوحي بالبريه وبعد ودي مدخل الشقة الى غرفتي انثر مثلا قطع خيش اوصلها لحد غرفتي يعني اكتب عليها مثلا كلمات بدويه >>> المعذرة لكل بدويه والله اني احبهم وماكتبت كذا الا من غلاهم
بس ودي بطريقه ارمي بها الخيش طيب واقصه على أي شكل
وراح البس جلابية حقت اللي تجي بالمسلسلات البدويه والعصابة والبس برقع واطق الكحلة وااااااااااااااااااااااااو
تكفون بنات ساعدوني والله احس زوجي بينهبل اذا شاف بيتنا طلع بر
خخخخخخخخخخخ