تكفون يا أخواتي في عالم حواء لا تبخلون علي بنصيحتكم

بسم الله الرحمن الرحيم
أخواتي في عالم حواء أرجو منكم تساعدوني لأنه طفح الكيل فيني ولا عاد أتحمل وقررت أواجهه مع اني أخاف منه
أنا أمراة متزوجة وعندي ثلاثة اطفال والحمد لله حامل الآن لكن للأسف اكتشفت خيانة زوجي مع أني ويشهد الله ماني منقصة عليه مثقال ذدة ومبسطته على الآخر واللي يشوفني مايصدق ان عندي ثلاثة أطفال
المهم هو مسافر الحين برة يشم هواء حسبي الله على أصحابه ونعم الوكيل فيهم
الله يبعدهم عنه
أنا اكتشفت خيانته مع وحده يكلمها بالجوال ويرسلها رسائل معايدات كلامه في الرسايل مرة حلو ماأرسله لي أنا يا زوجته المهم كنت حابة استشيركم متى تنصحوني أواجهه بعد ماأحتفل برجعته والا أكون ثقيلة وأزعل وأواجهه أول مايجي أو أخليه يرتاح يومين تكفون أرجو نصيحتكم وأفكاركم ؟؟
وهل تأيدوني اني أواجهه؟؟أنا استخرت وقلت لازم أواجهه لايجي بكرة ويسافر لديرة خويته ويتقابلون ؟؟ :(
مع أني سبحان الله عارفة انه مافي فايدة اللي عندي ماعليه من أحد ماله الا اللي برأسه
بس تكفوننصحوني وشوروا علي وادعولي بيض الله وجيهكم :)