انا سجلت بنتي في تمهيدي جيال الدلال 
لسه ماعرف خيرها من شرها 

بس ارتحت للموظفات كثير والمبنى صغير جدا وشفت انظف واشرح 
بس اخترتها مدري ليش ارتحت 
ورسومها حلوة بباص 4000 الترم بدون باص 3000 وحسيتهم مو ماديين ابد قالولي متا ما توفر سددي علا راحتك 
مكانها ورا مطعم العميد الي علا طريق جابر
ان شاءالله بنتي تستفيد 

واذا تبين شي اكبر رحت لررحاب المعرفة حللوة صراحة ونظيفة وكبيرة ومنظمة جدا 
والمعلمات صغار يفتحون لنفس ماشاءالله 

ورسومها معقوله 9 للسنة والف تسجيل اتوقع 

بس المواصلات حسيت مبالغين فيه انا كنت ابي رد واحد قالولي 2000 

موقعها بحي اليرموك 

وشفت روضة الشموخ وابني حليوة بس مادي ماوقع الاختيار عليهم 

وشروق المعرفة حسيتهم ماددين لانهم كاتبين الاسعار 7 الاف بالسنة يوم رحت قالو 9 الاق والباص رد واحد 2000 غير التسجيل بالف 

هذا بالنسبة لحي اليرموك وغرناطة 

ورحت لدار العباقرة في المصيف موقعها ورا مطعم بياتو

نظييفة ومنوعة بس قالولي ان التعليم عندنا اخف وان هالسنة خففناه عشان مايطفش الطفل 
رسومها 9 الاف للسنة والباص 700 رد واحد

مباها صغير زي العمارة وتابعة لشؤن الاجتماعية. والي يشتغلون فيها مو سعوديات الي شفتهم 


ومريت مدارس المعالي والخلود في النفل 

المعالي 8000 اتوقع والتسجيل الف بس ماعجبني مبناهم حسيت التغطية مو قوية وشكله كل المراحل مع بعض بالساحة اتوقع 
بس المدرسات كانو عسل وقالو في تقديم اشوف كثير يقدمون 

الخلود حلوة ونظيفة بس نفس الشي سعرها 8 الاف والتسجيل الف والباص اتوقع 1500 رد 

وش بعد 
اي بالمصيف مريت روضة صغيرة اسمعا رياحين نجد اقساطها حلوة 3500 بالترم والباص تقول لسة 

حبيت افيدك ياقمر بالي مريتهم لاني حاسة فيك 

صراحة الي قهرني الاستغلال كنت اتوقع ان الرسوم علا اساس الاهتمام بالمبنى والتعليم 

الي شفته لعب بلعب زادو رواتب الموظفات من هنا وزادو الرسوم من هنا وش اسفدنا ما ادري 

لا الي توظفنا ولا الي قدرنا نسجل وياليت المدارس كانت تستاهل هالاسعار 

اتمنى يشوفون لهم حل على هالاستغلال الواضح 

دار رزينه

الريان

السلام عليكم بكتب تجربتي ...

المدارس اللي رحت لها شمال الرياض

مدارس علوم الرياض .. المبنى مستآجر والساحه مسقوفه مافيه فاصل بين الابتدائي والتمهيدي يعني يشوفون بعض
5000 بالترم غير الباص دراستهم بالانجليزي عاديه وفيه عندهم قسم تحفيظ

مدارس الصحافه ... المبنى مستأجر والساحه مسقوفه وكبيره بس المبنى ما اعجبني فيه ساحه للعب كافيه لكن قديم والوضع قص لصق والقسط ب 8000 بالسنه

مدارس المعالي ... مازرت المبنى اقساطهم 8000 بالسنه

ابناء المملكه حي الغدير 7000 واظن مو متأكده 1000 تسجيل

القمه .. بحي المصيف بالشارع المقابل لقاعه المرسلات 3500 بالترم +1000 رسوم +1500 الزي قالت اظن رياضه ومريول دراسي

شمس الاجيال .. مبنى حلو وطريقه خايسه .. السكرتيره ماتدري عن اي شي تقول اسئلي المكتب اللي برى المدرسه هو اللي يعلمك الاسعار وكل شي دقيت عليهم قال 6500 بالترم ونعلم انجلش وفرنش واسئلي عننا ومدري ايش واذا سددتي كامل لك خصم 10٪ .. مكانهم مخرج 6 شارع الحسين بن علي ..

مدرستي MY SCHOOL اظن بحي التعاون .. المبنى دور واحد ويفتح النفس من بري كآنه استراحه على شارعين او ثلاث التدريس منتسوري 26 الف ريال والفين رسوم تسجيل تقول عندنا بالاسبوع حصتين مابين رياضه وفنون مدري وش تقصد لانها قالت ART والطفل نطبخ له بالمدرسه ويتغدى هناك الانجليزي من رؤيتي ممتاز لاني شفت اطفال بلابل بالانجليزي ....

القيم.... بحي التعاون مارحت لها دقيت قالت ب 8500 ونظام الانجليزي عاااادي جدا على كلامها ...

رياض النهى .. حي المصيف مارحت الرسوم بالترم 5000 ..

دار العباقره .. حي المصيف. تابعه للشؤون اللي ردت علي سوريه وقريت عنها ان الوضع كله اجانب اقصد الموظفات 4500 للترم وتقول تأكدي ان شهادتنا مقبوله للوزاره لاننا تبع الشؤون ....

سماء الطفوله بحي الربيع .. قريب من مستشفى المملكه 9000 الترم منهجهم الانجليزي انترناشونال ودراسه انجليزي دسممممه كتب رياضيات وعلوم بالانجليزي ساعتين انجليزي باليوم بس تمهيدي وحضانه والحضانه تقدرين بالشهر ب 1500 تقريبا شهريا عندهم بالبدروم مسبح .. المبنى ممتاز ...

روضه الفتح حي التعاون شمال جامع الاميره الجوهره 5000 اظن بالسنه الوضع كأنك بحكومي هيصه وناااااس وازعاج بس ميزته تحفيظ والعيب فيه حريم يدرسون واحسهم سوا مع الاطفال المفروض يفصلونهم ...

نيار بحي الربيع 13500 تمهيدي والنظام من خلال اللي كلمني ما احس فيه زود نظام اكسفورد للانجليزي
15000 للإبتدائي والخروج يوميا 2 و عشر يقول يطلعون مذاكرين دروسهم وكل شي عندهم انشطه كارتيه

الخلود بحي النفل مارحت لها مبناها الوانه بئيسه بالنسبه لي >> اتشرط .. قريت انه 8500 بالسنه ...

مدارس الدوحه بحي الصحافه 5500 بالسنه مناهم مستأجر دقيت وقالوا مكتفين ولا رحت لهم ..

الصداره مبني نموذجي 12000 للتمهيدي و 15000 للإبتدائي .. ما اعرف عنهم شي

المناهج حي الغدير.. دراسه منتسوري السنه 20 الف ..

المتقدمه .. التمهيدي 11500 والابتدائي ب 15000 اظن مبنى نموذجي دراسي

رياض خطوتي بحي التعاون مبنى مستأجر لكن مرتب وحلو الرسوم كامل اظن ب 10 الاف مو متأكده .. عدهم ساعه اضافيه لطفل الام العامله يجلس لين تجي والباص فقط واحد ولا يوصل الا للتعاون والاحياء القريبه جدا منهم ..

ابناء المملكه حي الغدير.. ب 7000 الترم واظن 1000 تسجيل ..

مدارس الخطوه حي الصحافه المبنى مستأجر وقديم شوي وحوسه ب 7000 بالسنه وفيه 1000 رسوم تسجيل الانجليزي يقولون كويس ما ادري ..

مدارس رياض الانطلاقه .. حي الربيع ... المبنى فله مستأجره بس الوضع جيد مرتبين القسط ب 13 الف المنهج للإنجليزي هاركوت..

مدرسه مهارات التعلم . حضانه ورياض اطفال .. حي الصحافه طريق الملك عبد العزيز شارع بارق . جديييييييده بقراطيسها المنهج منتسوري بالتدريس والمبنى رائع فيه ساحه داخليه للعب وساحه خارجيه تراب ومظلله غرفه الانتظار فيها بروجكتر ومكيفه .. الترم تقريبا 7000 نسيت مو متأكده .يقولون بالبروشور نستقبل اطفالكم من 6 ونص صباحا الى 3 بعد الظهر ...


مدرسه المناهج الحديثه مخرج 7 تقريبا المبنى مستأجر بس مرتب جدا الساحه فيها رذاذ ماء ومسقوفه ..المنهج منتسوري اقساطهم حوالي 7 الاف بالترم لهم موقع بالنت ...


بصراحه بعض المدارس اقساطهم مدري على ايش 8000 لا مبنى ولا نظام تحسينهم حوسه ومو منظمين اقول 2000 بالترم وحسافه بعد الشكوى لله ...



وبس ان شاء الله تستفيدون من المعلومات اللي عطيتكم ودعواتكم لي بالوظيفه :(((((((( ...