تكفون يا اخوات احتاج لنصايحكم

السلام عليكم ورحمة الله وبركاته
اخواتي في الله ابسرد لكم قصة حياتي من تزوجت الى الان واحكمو باللي تشوفونه صحيح وقدمولي نصايحكم
تزوجت قبل 8سنين رجل عنده زوجتين وانا الثالثه لاتقولون وش الل حادك عليه هذي قسمه ونصيب المهم من تزوجني وحياتنا مشاكل طبعا انا والمدامات كلنا في بيت واحد وفوق ذلك اخوه واهله معنا يعني البيت مضغوط بالمره
الحمدلله على كل حال كل مابين فتره وفتره يصير مشكله بيني وبينه ويطلق احيانا تكون بسبب وحده من زوجاته واحيانا كذا تطول بينا السالفه ويطلق يروح للمحكمه وياخذلنا موعد بس ارجعله سبحان الله رغم انه طلقني ست مرات المهم
آخر مره طلقني كان العام بشهر 3 بسبب حافز واسترجعني ورفضت ارجعالا اذا وافق على شروطي وهي ان اكون بيت لحالي وماياخذ مني اي مبلغ خاص فيني لانه اول ماتزوجني باع ذهبي رجعني وقال البيت اسويه عن قريب ولاشفت شي وحافز ماعاد جاه المشكله انه الحين رجل كبير عمره 53سنه ويغازل وقدامي يراسل وحده يحبها قبل 19 سنه وتركها قبل ماياخذني بسنتين والحين رجعلها حسبي الله ونعم الوكيل طبعا يراسلها وتسا وقابلها كذا مره بس اسوي نفسي مادريت غير ذالك انا ماعندي عيال ربي ماكتب اذا صار عندي يجيب عياله عندي بغرفتي ولو طلعتهم يهاوش علي وولده قليل ادب يقول انقلعي ويتفل علي والفاضهم سوقيه واخلاقهم اعوذبالله وسب وتهاوشت مع بنته بسبب امها تناقشت انا وامها وتتدخل وتتكلم معنا وقلتلها ليتكلموا الكبار البزرا ينطقون واسم الله علي طارت فيني وتلعن اصلي وضربتها وقطعت شعري الى الان مانبت فخفت على نفسي ياناس ارحموني ابي بيت لحالي ابي اعيش مرتاحه ومبسوطه ولا كدر ولانكد شوروا علي وش اسوي اللي تعرف احد يساعد فاعل خير تعطيني رقمه عشان ارتاح شوي والله راح عمري وانا بشقى والله مااستانس الا ايام قليله والباقي غثا وهم بتقولن لي وش مصبرك عليه اقولكم اول شيانا عجزتافهمه مادري هو يحبني والا لا مايصبر عني ولاصار عند زوجته الثانيه ينتظر يومي يجي ولاجا يومي قلبها مشاكل غير ذلك كلكم تعرفون الوحده لاصارت متزجه لها طلعاتها وناس تزورهم ويزورونها وعند الاهل غير بتكون البنت المطلقه اللي حتى الجوال يمكن يكون معها ويمكن لا
الزوجه الاوله مالها يوم ومخليها بمقام امه بانسبه لنا طبعا تاكل وتشرب وتنام وانا والثانيه نطبخ وننظف البيت وهي ماتسوي شي
//////////// نداء لكل الاخوات هنا في هالمنتدى ////////////
الى العضوات
الى التاجرات
الى الشرفات
الى الاداريات
الى كل من يقرأ موضوعي خارج وداخل المنتدى أمون عليكم بمساعدتي وتدبير امري لو بالقليل وطبعا فيكم الخير ماتقصرون اللي ابوها ماشي حاله وعنده بيت مستثمره تكلمه لي يساعدني ابي نصايح منكم كيف ارفع نفسي عنه وعن منته فكرت بمشروع نقل طابات طبعا اخذ قرض من عبداللطيف جميل ويكفلني واحد من اخواني بس قبل قالي ماتكتبين سياره بسمك وانا موجود وغير ذالك السواق لازم احطله غرفه خارجيه بالبيت والبيت مهوب له بيت ابوه والبنابيكلفني اقل شي 5000الاف تخيلو ابني واتخسر بعدين يطلقني ماله امان
تكفون يا اخواتي تخيلوا كيف حياتي وحده تزوجت وماذاقت طعم السعاده وماتعرف شي اسمه حيات زوجيه سعيده والله اقهر لاشفت اللي غيري مبسوطي ويتكلمون عن حياتهم مع رجالهم وعيالهم واقول الله يعوضني خير من عنده بس لدرجه اني وصلت للتفكير بالانتحار استغفرالله العظيم لانه قالي قطعي لي وجهزي لي اغراض بسوي مرقوق ويوم جهزت كل شي طبعا يطبخ بلصاله حضرته استفزني بالكلام عشان زوجته خذت السكين تبي تقطع زيادة قرع وهاوشني وعصبت عليه وطلعت دموعي ورحت لغرفتي يوم خلص الاكل غرفه بحافضه وراح هو وعياله وجارتي للاستراحه والزوه الاوله لبست عباتها وراحت لبنتها وانا بالبيت لحالي قعدت اصرخ واصيح والشكوى لله
سردت لكم قصة حياتي ارجو منكم التفاعل والردود الحسنه لوبدعوه صادقه بتفريج همي