تكفون يا اخوات ادخلوا مابقى شي واولد

السلام عليكم و رحمة الله و بركاته
مرحبا اخواتي كيفكم
واضح من الموضوع انا الان بالاسبوع الثاني من التاسع يعني مابقى شي والله ييسر على الجميع وعندي سكر حمل وحملي الاول ولدت قيصري وكان حجمه كبير بس هذا لا بس حملي الاول مافتح الرحم الا خمسه بس والطلق خفيف حطوا فيني صناعي ورحت للمستشفى لما اندفعت المويه وزدت اسبوع على الموعد للولاده وانا ودي اولدطبيعي وعسى ربي يستجيب لي تجيني الام خفيفه مو مستمره وانا ودي يجيني شديد عشان ما يحطوا فيني صناعي لأنه متواصل ودي اشرب شي يفتح الرحم من الان بس خايفه سمعت بشرب اليانسون انه يسهل الولاده ويفتح الرحم واني استحم بمويه دافيه بالبانيو وراح تكون الطلوق حاره ويفتح الرحم بسرعه وانت وش رايكم واحس ان بطني نازل مره وأسفل بطني حار وجوانبه
وابغى اسأل عن الولاده الطبيعيه هل لحظة خروج الطفل يحطوا فيني تخدير بحيث اني ما احس على قولتهم بطلعة الرأس يعني اقول لهم والا هم يسوونها والا لازم يفتح الرحم اكثر والخياطه ايش اقول لهم لاني بأذن الله راح اولد بالمستشفى العسكري بالرياض وسمعت انهم الطبيعي يخيطونها من برى بس مو من جوا يعني انتم راح تفهموني وش رايكم بخياطتهم وقبل هذا كله متى اروح للمستشفى ياليت احد يفهمني ويوضح كل شي صحيح اني اطلت بالكلام بس والله من الضيق والتعب والحمد لله على كل حال

وشكرا