تكفون يا اهل النخوه افيدوني بتاخر الحمل

السلام عليكم ورحمة الله بنات تكفون انا صارلي متزوجه سنتين ولله الحمد وزوجي حنون وطيوب المهم مرت الشهوور وتاخر الحمل وجلست شهرين اعالج معي ضعف بالمبايض وعطتني كلوميد والحمدلله كانت حجمها حيل مناسب وكبير وجاهزه لتلقيح الزبده ماحصل حمل واعيدها مره ثانيه وثالثه الين الدكتوره قالت حرام عليك خلي زوجك يحلل رحنا والحمدلله يارب طلع عقيم مافيه حيوانات ابد /مايحتاج كيف اشرح حلنا بهذاك اليوم بعدها بشهرين رحنا لدكتور طلال مرداد وسوى كل التحاليل وطلعت سليمه معاد عنده شي واحد ان حجم الخصوه حيل صغيره الثنتين قال نسوي لك تفتيش بالخصيه بس ظروفنا ماسمحت وسافرنا لجده شغل زوجي وسمعت عن دكتور سمير عباس واخذ كل التقارير وقرر يسوي العمليه عنده وسوو بحث عن الحيوانات ولا حصلو بعد اسبوع رجعنا عشان العينه الي اخذوها وقال الدكتور ان الام عايشه الي تنتج خلاياء بس تنتج خلاياء ضعيفه بس بعد شهرين نعطيك ابر زي التنشيط والحين تكفون الله يخليكم وش اسوي عطوني حل يا اهل الخبرات تكفون والله الحال مايسر انا راضيه والله بالي يكتبه ربي بس بصيص امل لو ربع امل وانا املي بالله كبير بس ابي امل بالعلاج والله اني احبه وهو يحبني ولا احصل رجال مثله ماشاء الله ربي اساألك ان لاتحرمني منه صح نسيت اقولكم رحنا لشيخ قبل العمليه وقراء علينا انا قالي عين قويه وزوجي طلع فيه مس والحمدلله طلع