همس قلم
•
عندك من المطاعم شامي حلو وواسعاره حلوه ومطاعم ابو شقره على الكورنيش في الحمراء خصوصا الحمام الحشي على الطريقه المصريه لا يفوتك ...وعلى نفس الشارع بس جوه مقابل الداوود مطعم زمان للفول الاصلي والاكلات الجداويه على اصولها لو ما افطرتوا فيه ماكنكم زرتو جده ابدا(يفتح الصباح بدري بس وللعوائل ) ومطاعم ابو زيد للمعصوب والعريكه على اصولها ولا المطبق عندهم شي خيالي ......ايش بعد !!!!!!!!!!! بالنسبه للشقق المفروشهه اذا تبغي رايقه واسعار معقوله روحي الصفا داخل الحي بس بعيده شوي عن البحر واذا تبغين شقق باسعار رخيصه في شارع حراء ...وطبعا الفخمه على البحر بس غاليه شوي ...........واذا كنتم من محبي الاسماك توجو مباشرة على ثول هناك السمك يومي وطازج واحسن مكان هناك اسمه سلطانه رووووعه اول ما تدخلو ثول على اليمين بيكون الثاتي او الثالث لانهم مصطفين جنب بعض ......اتمنى اكون افدتك وحياك الله في جده
الصفحة الأخيرة