تكفون يا بنات حواء ابغى المساعده عمرها 15 ولاتريد أن تتعلم

لانفخت عليك ازعلي عليها
واحرميها من المصروف او التلفزيون
واي احد تروحين له هي قدامك اعجبها ولا لا
البنات لاجلسوا بالبيت لحالهم دماااااااااااااااار
سالفة الطبخ انسيها توها صغيره
وحاولي تكونين صديقتها وبنفس الوقت لك هيبه
والله البنات محتاجين احد يسولف معاهم يفهمهم
ياخذ رايهم يحسسهم انهم كبار وقد المسؤوليه ويضمهم ويبوسهم
والله انهم فاقدين الشي هذا
لا تكثرين الطلبات عليها اللي تقدرين عليه سويه انتي
وسويلها جدول للتنظيف يعني تصير عارفه شغلها بدون
ماتطلبين منها
واهم شي كافئيها بهديه لا تغيرت

شوفي غلاي بنت 15 سنه ما شاء الله مرة كوني لهااااا الصديقة قعدي معاهاااا لازم تعرفين هي ويش تحب شوفي معاها البرنامج اللي تحبة وبعدين قولي لهااا ي**** حبيبتي الحين سوي شذي وناديهااااا بحبيبتي او قلبي او ام فلان وحطي عليهااا مسؤؤلية شي معين ولا تنسين الهداياااا بس مثل ما قالت الاخت اللي قبلي قعدة البنت في البيت دمااااااااااااار علميهااااا تطلع وياج اي مكاااان وخلية قاعدة عندهااااا هالشي وادعي لهاااا قد ما تقدرين وبالله تتعدل .:39:

لا ياقلبي اغصبيها على الطلعة خليها تشوف الناس وتتعود عليهم ترا من انطوائية يجيها ارتباك اذا ماعرفت الناس وتتوتر نفسيتها خوذيها لكل مكان واما مسالة الطبخ انا اذكر من انا صغيرة وماضرنا بالعكس اذا ماعودتية من الحين على الطبخ والنفخ متى بتتعود العطلة بدت خلي يوم لك تسوين الغدا ويوم لها خليها تتعود على الرز لانها اذا ضبطت الرز وحوستة الباقي ان شاء الله سهل وخليها برمضان تمسك السمبوسة وحشوتها وتلف فطاير او ورق عنب واضغطي علية بالشغل ولاتنسي مع الغدا خلية تسوية كامل مع الايدام والسلطة والفواكة والله مايضر اهم شي الطبخ في المرة اذا صارت ماتعرف عاد مصيبة والله بنات كثار يحملون امهم المسولية انهم مايعرفون يطبخون بالطبخ اضغطي علية تتافف ماتتافف ماعليك يالله يمدية تتعلم اصلا شوفيهن بقسم الطبخ الوحدة متزوجة وتدخل تطلب ساعدوني بتقطيع الدجاجة ولا كيف اسوي خضار مسلوقة ولا كيف اضبط مستوى الماء على الرز مرة يطلع حب ومرة ملتبخ بالعكس رصي رصي علية بالطبخ والله تدعي لك اذا تزوجت

بنتك مثلي بالضبط وانا بعمرها طلعت عيون امي وتدلعت عليها ولما تزوجت ووروني زوجي اهل زوجي العين الحمراء راح الدلع كله وطلع لي قلب وتعلمت... وفي الاخير ماتت امي الله يرحمها بحادث وهي مابعد دخلت الاربعين وصرت اعظ اصابعي ندم وغبن
فالمقصود فهميها انك اولى التاس ببرها وان الدنيا ماتخلي حبيب مع حبيبه وانك تبغينها من احسن الناس بكل شي ووافقي لها على طلباتها على قد ماتنفذ من طلباتك على قول المثل (سلم واستلم) نفذت طلباتك نفيذي طلباتها
عاندت ورفضت ...طنشييييييها بكل هدوء وبدون ما تعصبي بس كانها ماهي موجودة

من ناحيه الطلعه فلاااتخلينها ابدا تجلس لوحدها

اشتري لها ملابس حلوه وقولي هذي للطلعات وخليها هيه اللي تختارها بس تكون ساتره


اما الطبخ خليها تشارك تقطيع السلطه
غسل الصحون
الكنيس
غرفتها ترتبها هيه

والاولاد يرتبون غرفتهم

وحددي وقت للتلفزيوون

اطلعوا ملاهي منتزهات اماكن تغير وتنسى التلفزيوون