السلام عليكم ورحمة الله وبركآته
بقولكم سالفتي على طول انا متزوجه لي سنه ونص
الشهر اللي طاف زوجي سافر للقصيم يستلم فلوس بنك التسليف
حق الزواج المهم هو من زمان كان مواعدني بجوال جديد ولا اول مره من زواجنا يشتريلي هديه
طبعا جاب لي جهاز سامسونج جالكسي قيمته الف وخمس ميه وجاب جوال لا امه مااقصر
قال لي لاتعلمين اهلي اني جايب لك جوال لاتطلعينه اللحين لين اقولك طلعيه قلت حاضر
المهم جاء الشهر الثاني ومع يوم الراتب قلت اطلعه عادي قال خلاص طلعيه المهم اهل زوجي يوم عرفوا بنفس اليوم انه جايب لي جوال جديد كلهم لاكبيرهم ولاصغيرهم قاموا عليه مع العلم هو البكر
خالي وخالتي واخته واخوانه كلهم يقولون ليه تشري جوال ماله داعي
والكلام اللي جرحني خالي قال زوجتك هذي ماهي سنعه هذي فيها وفيها يا انا ياهي بهالبيت < تخيلوا هذا كلام ابوه .!!!!!!
وانا ورب الكون مافيه اطيب مني عليهم بس انقلب كل شي علي بسبة هالجوال الجديد !!
يقولون وشوله تشريه واحنا علينا ديون وووو الخ / ب الله عليكم ي بنآت الف وخمس ميه بتخفف من دين حوالي 300 الف وفوق يمكن .؟؟؟
حتى لبس اذا شريت قالوا انتم مبذرين انتم وانتم ..؟
وحماتي وخالتي كل بعد فتره اتفاجى بلبس جديد عليهم وحماتي ماتلبس الا الماركات
وانا ممنوع علي هاللشي :( والله حرآم
المهم زوجي من يومها زعل على اهله وصار ماينزل لهم تحت حنا ساكنين بشقه فوقهم
وصار مايطلع بس عندي وضايق صدره وانا من ليلة المشكله تقطعت من كثر الصياح انقهرت ع كلام خالي وظلمه لي مرت 4 ايام ونادوه تحت وتأسفوا منه ونسوا الموضوع بس بعد ماجرحوني وجرحوه الله يسامحهم
المهم انا طلبت زوجي اني اروح مع اهلي عند جدتي بيسافرون قلت بروح معهم اغير جو
رفض قال لا تكفين لاتروحين خليك عندي والله اهلي ماهم مهتمين فيني لاتروحين قلت خلاص لعيونك ماراح اروح
ويوم جاء الثلاثاء اللي طاف قال بروح يومين للقنص مع خوياي وبرجع قلت خلاص
الى يومكم هذا مارجع اخذها قنص واخذها تمشيه هو وخوياه كل يوم بديره
وخلاني منطقه بشقتي لحالي ضايق صدري من بعد المشكله وانه عيى علي لااروح مع اهلي اسافر
وفوق هذا لانزلت لخوالي تحت اغلب الوقت جالسه لحالي
وضاقت نفسيتي حتى اني صرت قسم ب الله مااشتهي الاكل هذا وانا حامل بالشهر السادس
زود عن نحفي نحفت زياده وكل ليله اصيح لحالي بشقتي كل ماتذكرت عملته فيني
حسيت انه اناني راح رفه عن نفسه وخلاني وكل مادق وقلت طفشانه هاوشني احمدي ربك ومدري وشو منتي لحاللك
وسمعت من خالتي انه يمكن يجي بكره انا ماسئلته لاني زعلانه عليه اذا دق اكلمه رسمي ونسكر
واذا جاء كيف اتفاهم معه ع غلطته واشرح له بجد اني مكبوته وضايق صدري
حتى سفر لو بنسافر قالوا خوالي ماله داعي تسافرون وبيعيي علينا خالي وهو مايقدر يرفض لا ابوه اي طلب
تكفون بنآت ساعدوني وش اسوي وكيف اتصرف معه :(
بدعي لكل وحده ترد بظهر الغيب ..
الطرقآ @altrka_1
عضوة جديدة
يلزم عليك تسجيل الدخول أولًا لكتابة تعليق.
بدووج
•
الله يفرج همك
الطرقآ
•
الزمي الاستغفار ياقلبي والله يسخرهم لك ويحنن زوجك عليكالزمي الاستغفار ياقلبي والله يسخرهم لك ويحنن زوجك عليك
اللهم اميييييييييييين جزاك الله خير ياقلبي
الصفحة الأخيرة