تكفون يدى توجعنى شوف لى حل

أنا مثلك أبي علاج؟؟؟؟؟؟؟

بنات انا كنت اعالج ابني في مصر وكان التاكسي حار والشقه تكييف مركزي وكنت ادخل اليت والهواء البارد يضرب في جسمي الحران وبعد شهر فقط اصيبت يدي بمثل الم نغزات السكين وبعد فتره صرت حتى الدبله مااستحملها من الالم بعدين حسيت كان يدي بتنشل والله يجزاها خير ويوفقها وين ماراحت اخت طفل معنا في المركز تونسيه اقنعتني تعملي حجامه واني راح ارتاح باذن الله واتوكلت على الله وسوتلي اياها والله يابنات ماراح اتصدقون كميت الغازات والفقاقيع ورغوه زي الصابون تطلع من يدي وعملتلي الجلسات لحد ماصار يطلع الدم صافي قالتلي خلاص الحمدلله خفيت وكان دكتور الاعصاب استشاري كبير في مصر معطيني كيسه وشكثرها ادويه اترجتني الله يذكرها بالخير اني مااتناولها وانا انصحكم بالحجامه صدقوني الي فيكم براد شديد والله اعلم

نصيحتي لك يا اختي سوي العمليه وارتاحي
اعرف وحده سوتها وارتاحت

شوفي اختي فية في الصيدلية ضاغط للكف والذراع مصنوع من الحديد والجلد بحيث انة يثبت الكف ماتتحرك تلبسينة اقل شي عشرة ايام ماتفكينة وفية حبوب اسمها روفيناك تستعملينها وماتشوفين شر ولاتنسينا من دعائك

حبيبتى ما أنصحك بالعملية .. وااايد ناس أعرفهم سووها .. وردت لهم مرة ثانية .. خففي الضغط على يدك .. لاتشيليين شئ ثقييل ولا تشتغليين فيها وايد حااولي تريحينها فترة ..
ولوتعملين علاج طبيعي لها .. أو مساج .. وتدهنيها بزييت مقرئ فيه أفضل .. وأيضا أمسكيها وأقري عليها .. ساعات تكون نفس أوعين .. الله يكفينا ويكفيك الشر .. لا تستبعدين ..
الله الشافي المعافي ..
ما تشوفين شر ..