تكفوون أدخلوا,, وأنصحوني,, وأدعوا لــــــــــــي

صبــــــــــاح الورد والفل والياسمين على أخواتي العزيزات بعالم حوااااااء





اللهم صلى على المصطفى حبيبنا محمد وعلى آله وصحبه وسلــــــــــــــــــم

حبيت اعرض عليكم وش امر فيه من ظروف وياليت تساعدوني
أنا متزوجه من سنتين و4شهور وعندي ولد الله يخليه لي تزوجت خبط لزق لأن اللي تقدم لي جاء في وقت كنت فاقده أخوي من شهرين أواقل وقبله أبووي الله يرحمهم وموتى المسلمين المهم كنت ملخبطه ورفضت إني أتزوج لأني حزينة على فراق أهلي وطبعا عشان وفاة أبوي وأخوي ماصار لهم زمن من غابوا عنناو أمي عارضت بشده زواجي بها الوقت بحكم ان الوقت غير مناسب أبدا وانا رفضت لنفس سبب أمي ولعدم قناعتي الذاتيه بالخاطب وأهله بس هم كانوا مصرين على اتمام الخطوبة والزواج بحجة ان الفرح لازم يدخل بيتنا ونغير جو الحزن اللي عايشينه ومع ضغوطات الاقارب بأني المسؤولة عن تغيير جو البيت للفرح بإذن الله تم الزواج بعد مد وجزر ومن أول ليله حسيت أن زوجي كان يتصرف بغرابه حتى أن ملابسه ماكانت نظيفة ولا ريحة بخور ولاعطر ولاشيء يدل إنه عريس سكت وقلت يمكن تعبان عشان أخوه يمر بأزمة نفسيه (كان عنده أخ توأم) المهم مارحت شهر العسل وياليتها وقفت على كذا من ثاني يوم في الزواج وأمه واخوه التوأم واخوه الصغير جاو ينامون عندنا واخذوا قرابة 5ايام وقلت عادي عشان اخوه تعبان بقدر ظروفه وبحتسب الاجر عند الله سبحانه ومع مرور الايام ماعرفت زوجي زين يعني اطباعه وش يحب وش يكره لأن أكثر وقته عند اخوه التوأم واخوه هذا كان يعاني حالة نفسيه عصيبه حاولت أقنع زوجي يعرضه على دكتور نفسي مارضى وابوه واخوانه الاخرين مومقتنعين بالطب النفسي بعد سنه ونص من زواجنا توفى أخوه التوأم في حادث الله يرحمه وزوجي بغى ينهبل وما ألومه ووقفت معاه أنا وأخواني وامي أقسم بالله العلي العظيم أن ابوه واخوانه ماسألوا عنه وتركنا شقتنا وجلسنا عند أهلي وبعد شهرين تقريبا استاجرنا شقه ثانيه وهدأت نفسية زوجي شوي شوي مع مرور الوقت ووجود ولدنا خفف عليه كثير بعد كذا صار يجلس معي اكثر ويسولف ويشكي بس اكتشفت انه يعاني مرض نفسي لانه دائما يقول شيء ويسوي عكسه تماما ويسوي مشاكل في مكان عمله حاولت اهديه بس يعاند ولايلقى خير سواء من الادارة اوغيرها يوسوس كثير يتهيأ له أشياء ماتصير أبدا واحيانا اصحى من النوم الاقيه جالس على الكنب ويطالعني ويبكي واذا قلت وش فيك مايتكلم ,,,صارت بيننا مشاكل صرت اصرف على نفسي وعلى ولدي من جيبي الخاص انا مو موظفه بس اهلي عندهم خير وطبعا يعطوني(مع ان راتبه يصل الى 10 الاف ريال؟) وقبل كم شهر صااارت بيني انا وياه مشكله كبيره واحنا في السياره وكنت جايه عند اهلي ونزلت وقام يلحقني بسيارته يبغى يدعسني والمشكلة الولد في يدي ومرة هددني بمسدس معاه اقسم بالله كلامي صدق والحمدلله كان واحد من اخواني طالع بالصدفه وشافه وهو يلحقني هزأه وطرده من بيتنا بس يجي بحجة يشوف ولده انا ماأنكر اني احبه واعزه وارحمه واالللله من حالته اللي هو فيها والحين ذبحني برسايل الجوال يعتذر وانا قفلت شريحتي وغيرت الرقم عشان ما أحن ابد لأني حلفت ماارجع وطلبت الطلاااق بس هو رافض يطلق ويقول لاهلي حرمتي واحبها هي وولدي والمشكله حركاااته تفضحه انه مو طبيعي >>يعني يعاني حاله نفسية وانا ماحكمت عليه من راسي لا انا حاولت لين وديته الطبيب وأكدلي انه مريض نفسي....يااااااااابنات تكفوووون وش رايكم اسمع كلام عقلي واهلي واتركه والا اجلس فترة وارجع وش السوااااااة افزعولي الله يكتب اجركم ويحرم وجيهكم وايديكم من الناااار,,,ادعوا لي والللله اني بهم وضيق لايعلمه الا الله سبحانه ...