زي ما قالولك البنات التسبيح زدي عليها الفجر لازم في وقتها واستغفري الله 100 بعد الصلاة وقومي غسلي الحمامات نظيفة ماهي نظيفة اغسليها وسوي الفطور وزوجك يروح من هنا العمل حطي الملابس في الغسالة ودام ماعندك عيال مرتين بالاسبوع وعلى المطبخ حطي مسجل وشغلي اللي تبينه وخلصي على البيت وغرف النوم وماتجي 9 الا انت مخلصه وحطيها كسل لاين اذان الظهر وقومي صلي وجهزي الغدا وسوي حلا خفيف وبعد الغدا غسلي مواعين الغدا وسوي شاي وارتاحي لين موعد العشاء

زي ماقالو البنات وازيد عليهم
انتي تخيلي ان بيتك نظيف وريحه البخور تعج بالبيت وجالسه على النت وفنجان القهوه جنبك راح تحسين براحه
قبل تنامين نظفي المطبخ الاواني غسليها كلها ولا تطلعين من المطبخ الا وهو نظيف وبعدين روحي لمكان جلستكم نظفيها على السريع وروحي نامي
يوم تصحين يكون ماعندك شغل الا الطبخ
ونظفي اول باول والله راح ترتاحين
احنا ذبحنا الكسل
انتي توكلي على الله وقومي وراح تتسهل امورك اما جالسه ونفسي ارتب ماراح ينغير شي الا لما تقومين

استغفر الله

1/ الزمي الاستغفار
2/ شغلى الراديو عى اذاعة القران طول ما انتي صاحية
3/ نفس كلام صديقتي زاهدة الي اعطتك الرابط وراح تتحمسين وتجين تورينا اشغالك

ربي يوفقك وسيهل امورك

نصيحه نصيحه نصيحه..وهذي نصيحة امي لي خلي تنظيييييفك اول باأووول..
يعني مثلا وانتي فالمطبخ تطبخين وانتي تنتظرين المويا تغلي اغسلي اللي فالمجلى وقبل ماتطلعين من المطبخ خلصي صحونك كلها لاتخلين شيء نهائي اساسا مابتكون كثيره اذا كنتي تنظفينها ع طول وهكذا ماتروحين تاكلين الاومطبخك نظيف مافي الا غرفتي منهم
والحمامات وغرفة النوم مريهم يوميا او يوم ورى يوم ع حسب وضعك بكذا بيكون تنظيفها اسهل اساسا بتلاحظين انها نظيفه ماتحتاج منك شغل كثير ولابتاخذ منك وقت كثير طبعا السرير يوميا ترتبينه
الغسيل كل3او4ايام والله اذا اتبعتي طريقة التنظيف اول بااول ماتستغنين عنها لانك بتذوقين الراحه معها
وسبحان الله البيت ماترتاحين به نفسيا الااذا كان نظيف،،
اي صح واهم شي اللاب لاتجلسين عليه الااذا خلصتي شغلك والله هو اكثر شي يضيع الوقت ولاتنسين التسبيح قبل النوم سبحي وانتي مصدقه من قلبك لحديث الرسول صلى الله عليه وسلم ومعتقده انو الله بيعينك