بسم الله الرحمن الرحيم
في البداية المشكلة تخص وحدة من صديقاتي واقترحت تعرضهاا عليكم في المنتدى
بإعتبار انكم لديكم خبره ماشاء الله .. وتقدرون تساعدونهاا ولو بالشي القليل والدعااء
................
السلام عليكم ..
كيف حال الجميع ؟؟
ماودي أطول بالمقدمات .. بس أنا عندي مشكلة كبيرة جداً .. وأبغى الحل المناسب
في التعامل معها
المشكلة هذي في زوجي .. وماأدري أنا غلطانه أو لا ..
وأتمنى من كل قلبي أكون غلطانه
بس اسمعوا .. واحكموا
البداية ....
أنا متزوجة من سنة و9 شهور
وزوجي من تزوجنا حاط بيني وبينه حدود حمراء ..يعني مثلاً
الجوال ممنوع أفتحه .. مع انه يعرف اني أعرف الباسوورد
وأوراقه نفس الشي
وكل ماقلت له شي .. قال خلي بينا ثقة ..
Trust على قولته ..
المهم ,, بعد 6 شهور من الزواج
فتحت جواله .. في لحظة فضول
ولقيت رسايل بلوتوث صور طبعاً .. والصورة صورة "العضو ....." للرجل
أنا انصدمت صدمه عظييييمه
وش قلت أسوي .. كتبت اللي في بالي وحطيت الورقه تحت جواله ..
ونمت على الأرض .. وهو طبعاً على السرير .. ولما قام ..
فاتحني في الموضوع على طول .. وكنا في رمضان ..
قال انه أنا كنت أساعد واحد من المباحث .. وانه واحد ارسل هالصور لحرمه كانت مع زوجها
واني خذت الصور عشان نتتبع الرجال ..
وقال لي بعد : أنتي وشلون تشكين فيني هالشك .. وتفكرين هالتفكير
وزعل مني مرررررررره
وكان ناوي يحطني عند أهلي .. وأنا ساكنه في مدينة غير المدينة اللي فيها أهلي ..وأنا أدرس
ضاق صدري حيل .. وقمت أصيح واترجاه .. عشان الدراسه .. يعني عشان مايشكون أهلي في شي
لأنه هو قال : أنا ما أقدر أحط عيني في عينك عقب هالسالفه
المهم خلاني عند أهلي يومين .. وأنا مره مو على بعضي ..
بس والله .. الجميل اللي سواه لي ما راح أقدر أرده له .. جاء عند أهلي .. ويضحك .. وماكأن صار شي
وخذني من "يدي" تأكيداً عالمحبه يعني ..
ويوم سافرنا .. قال عشره أيام مايكون بينا اتصال ........ في السرير يعني
وعدت السالفه .. والله إني مانسيتها .. وكل ماصار بينا مشكله تذكرتها وسامحته ..
لأني حسيت اني غلطانة حتى النخاع
ـــــــــــــــــــــــــــــــــــــــــــــــــــــــــــــ
طبعاً بعد هالكلام بسنه و3 شهر تقريباً
أنا مامديت يدي عالجوال .. ولا حاولت .. وخليت المسألة بينا ثقة ..
بس يوم من الأيام كنت جالسه ع اللابتوب .. وانفتح برنامج PC suite
"وهو برنامج يفتح جوالات النوكيا على جهاز الكمبيوتر "
واتصل جوال زوجي عن طريق البلوتوث ..
وكانت الرسايل طالعه .. بدون ما أفتحها يعني .. والله حتى اني مافكرت فيها أبداً
وشفت رسالة حب .. يعني مو رسالة بين أصحاب ولا شي ..
رسالة غرام ,, وأحبك ,, وحبيبك
والمشكلة انها من رقم مسجل في جوال زوجي باسم رجال
خلينا نقول مثلاً محمد
أنا ماشكيت في أي شي .. لأنه رسالة جايه على جواله
بس رحت شيكت على الرسائل المرسله
ولقيت الطامة الكبرى .. زوجي يرد الرسايل بأقوى منها .. آآآآآآآآه بس وش أقول
ويكتب تحت حبيبك فلان .. أو حبيبي حمودي ..
ومشتاق لعيونك
ودي بحضك ..
يعني كلام غير معقول .. وأن والله مايرسل لي إلا في الشهر مره ,,
لا ,, وبعض الرسايل تكون فيها أرقام شحن للشريحة
طبعاً .. عطيت وحده تدق على الرقم .. وتقول رد علي رجال ..
طيب .. قلت يمكن يمزح معه .. أو حتى بيسوي له مقلب ..
بس اليوم .. بعد مانام .. بغيت أتأكد .. وفتحت جواله .. وشفت المكالمات ..
قاعد يكلم الرقم 10 دقايق .. وأنا يكلمني يمكن دقيقتين بالكثير ..
وزوجي من النوع اللي مايطول على الجوال .. مايحب الكلام الكثير
أنا استخرت .. وقلت بصبر حتى ألقى الطريقة المناسبة .. أو حتى أتأكد من الموضوع ..
آسفه على الإطالة .. وأتمنى منكم تساعدوني في هالمشكلة ..
والله قلبي على نار
ومشكورين مقدماً
كـــ الغـــلآ ــل @k_alghla_l_6
عضوة نشيطة
يلزم عليك تسجيل الدخول أولًا لكتابة تعليق.
مشكورة حبيبتي
الصوت اللي طلع لهاا يوم دقت على الرقم اللي يرسل صوت رجل
وماتدري مسكينة مصعوقة .. الصح من الغلط .!!
والقصة في الأخير انوو تبي حل ما تدري كيف تواجهه .!!
بأي طريقة تبي شي حكيم وعاقل بدون ما تين انهاا شاكه فيه
لأنهاا سوتهاا وواجهته في البداية وشفتي وش صا رلهاا من زوجهاا
ما تدري الحقيقة من الكذب تعبت
والله يجزاك خير ويفرج همك
الصوت اللي طلع لهاا يوم دقت على الرقم اللي يرسل صوت رجل
وماتدري مسكينة مصعوقة .. الصح من الغلط .!!
والقصة في الأخير انوو تبي حل ما تدري كيف تواجهه .!!
بأي طريقة تبي شي حكيم وعاقل بدون ما تين انهاا شاكه فيه
لأنهاا سوتهاا وواجهته في البداية وشفتي وش صا رلهاا من زوجهاا
ما تدري الحقيقة من الكذب تعبت
والله يجزاك خير ويفرج همك
والله مادري وش اقولك ان شاء الله يفيدونك البنات والله يستر عليك يارب ييسر امركوالله مادري وش اقولك ان شاء الله يفيدونك البنات والله يستر عليك يارب ييسر امرك
اختي كل رجال يغلط ويمكن الله راسلك له عشان تصححين غلطه مافيها شي انتي زوجته وخذي الامور ببساطه وقلي له انك بالصدفه شفتي ...............الخ
وهو اذا مو غلطان مارح يكبر السالفه ولا يعطيها اكبر من حجمها بس للمعلوميه حاولي وانتي تناقشيه ناقشيه وانتي مو زعلانه كثر ما انصدمتي من اللي شفتيه وقلي برر لي انا زوجتك قطعه منك وادخلي عليه باسلوب راقي
والله يكتب اللي فيه الخير لك وله ولا يحرمكم من بعض
وهو اذا مو غلطان مارح يكبر السالفه ولا يعطيها اكبر من حجمها بس للمعلوميه حاولي وانتي تناقشيه ناقشيه وانتي مو زعلانه كثر ما انصدمتي من اللي شفتيه وقلي برر لي انا زوجتك قطعه منك وادخلي عليه باسلوب راقي
والله يكتب اللي فيه الخير لك وله ولا يحرمكم من بعض
الصفحة الأخيرة
وان كان رجال غريبه هالعلاقه؟؟؟؟؟ يمكن فيه شذوذ علاقة رجل برجل؟؟؟؟؟؟؟
ماوضحتي القصه بالاخير