تكفوون ساعدوني بنتي تسنن وحالتها حاله كحه وحراره وماتاكل

السلام عليكم ورحمة الله وبركاته








بنتي عمرها سنه و8 اشهر وبدت تطلع لها الضروس ومره تعبانه

سخونه واسهال الله يكرمكم

وغير كذا معها كحه ذبحتها تصحيها من النوم صدرها تعبان مره

وما تاكل ترفض الاكل وتطلب بس مويه او عصير

حاولت فيها تاكل الاكل اللي تحبه ترفضه

سويت لها شربة شوفان خفيفه وسويت بطاطه مهروسه وزبادي كلهن ترفضهن

حتى الفواكه ترفض تاكلها

نحفت بالمره وهي من الاول نحيفه الله يشفيها يارب


اللي ابيه يا اخواتي تجاربكن عن التسنين وخصوصا طلوع الضروس لانها مؤلمه ومتعبه بالمررره

ايش اعطيها عشان تطلع عنها بسرعه

وعشان الكحه وكتمة الصدر ايش اعطيها كمان المستشفى صرفو لها موسع للشعب الهوائيه ومانفع معها

لا زالت الكحه والبلغم معاها

والله يا بنات لو تشوفنها مرميه وبس نايمه ترحمونها بقوووه:44::icon33:


ادعو لها يا بنات ربي يشفيها ويحفظها ويصلحها هي واخوانها