تكفوون ساعدوني .. تعبت من هالولد :(

السلام عليكم ورحمة الله وبركاته ..
بنات تكفوووون بحكي لكم مدري اشكي لكم عن ولدي الله يهديه يارب :44: عمره سنتين ونص شقي مرررره وقليل ادب يضرب الاطفال من غير مايسوون له اي شي .. حاولت معاه باللين مانفع معاه .. ضربته مانفع .. نفسيتي تعبت مررررره صراحه .. مااحس انه كان كذا من الاول ،، زاد كل شي فيه .. انا ماعندي الا هالولد وساكنه مع حمولتي ماادري وش الحل مع هالولد .. صرت دايم احب اروح لأهلي عشان اتحاشى ضربه لأولاد عمته .. لدرجة انه يضرب بنت عمته عمرها 7 سنوات وتبكي منه ..انا حامل بالشهر الثاني وشايله هم هالولد وش بيسوي لين ولدت :icon33: عندي ولد اختي عمره 7 شهور ولدي يعرف انه يبكي اذا ارتاع يجي يقرب منه ويصرخ عليه عشان يبكي ولد اختي .. ماصرت اطلع عزايم عشانه والله .. انا اساسا مااخذه معي مناسبات او عزايم كنت اخليه عند الوالده الله يحفظها .. بس خلاص الولد كل ماكبر زاد غثاه وصرت مااطلع عشان مااضطر اخليه عند اهلي واتعبهم معاي .. تكفوووووووون ابي حل سريع للولد ينفع معاه .. او على الاقل ادعو له معي تكفوووون لعل وعسى ربي يهديه ويصلحه عاجلا غير آجل ..