تكفوون ساعدووني بسرعه

الأسرة والمجتمع

السلام عليكم ورحمة الله وبركاته
يابنااات حوااء اناا محتاجه مشورتكم
من خلال تجاربكم في الحيااه...
صديقتي كلمتني تبيني اسااعدهاوانا ماقدرت اساعدها ابغى ردودكم بسرعه...

هي متملكه من سنه وخطيبهاطلب يشوفها ورفضت امها واخذ رقم امهاا وصاار يكلم امهاا وهو قريبهم من جهة ابوهاوصار يرسل رسائل عاديه لامها وترد عليه البنت رسائل عاديه لان امها ماتعرف تقرأ ولاتكتب والبنت اكبر اخوانها وارسل لها مره قال اسم البنت ورساله غزليه وقال ابغى اكلمك والبنت ماعاد ترد عليه ويكلم وترفع الساعه وتسكت وبعدهاردت الو وعطته اخوها الصغير وقال له ماارضى تكلم اختي وبعدهااكلمته المشكله ابوها مايدري عن الموضوع وخطيبها يقول ماابي ابوك يعرف اني اكلمك وش بيكون موقفي بيقول عني شخصيتي ضعيفه وصديقتي تقول انه من بداية مكالمته لها يتكلم عن مشاكل الناس امي ماتحب فلانه وانا مااحب خالتك فلانه لانهاسحاره وسمعتها شينه مع ان خالتها متزوجه ومافيها شي ويتدخل في حياتها كثير واذا صاار جوالها انتظارقال من تكلمين واذا كلمها قال كلمك احد اليوم...وجامعتها في مدينه ثانيه عند عمها هي اول سنه لها ويقول دراسه مافيه وهي شارطتها عليه والسبب انه يغار عليها من عيال عمهاا وقال لها ليش ماعلمتيني قبل التسجيل ولمح لها انها تكلمه وابوها مايدري يعني انها تخبي عليه مثل ماتخبي على ابوهاا يوم قالت انا الى الحين مسؤول عني ابوي وانا شارطه عليك الدراسه قال ايه صح بس والله لكرهك فيهاا ولها سنه تكلمه مااحد يدري الا امها واخوها صغير وبس حتى اهله مايدرون وتقول اكثر كلامه عن مشاكل الناس والمستقبل مايتكلم فيه كثير واذا قالت ليش متحدد الزواج قال انا ماعندي فلوس ويقول لها اختك ماابيها تدخل بيتنا وهي تقول لا مستحيل مااقدرواختها هذي من ابوها والحين صارت مشكله بين اخوانها واختها اللي من ابوها وراحت صديقتي وقالت لخطيبها عن المشكله وقال شفتي انا صادق اختك راعيه مشاكل وهو يدخن وماقال لها واختها قالت لها ان زوج اختها شافه يدخن ويوم قالت له انها عرفت زعل وعصب وقال اختك تبي لنا المشاكل وتبينا نتفرق يعني هو يبي يتدخل بحياتها ويمنع اختها وخالتها عنها ويقول لها في زواجنا لا تشربين اي عصير يجيك من برها قالت ماراح يجيبه الا اهلي قال حتى القرايب ينخاف منهم وهو يشتغل بالمباحث شخصيته مو قويه يتسمع في كلام امه وهو ماشافها بس يكلمها ويقول ارسلي لي صورتك ويوم رفضت زعل وقالت له ماله داعي لان زواجهم في العطله الصيفيه والى الحين زعلان عليهاهي الحين خايفه انه يمسك عليها سالفه انها تكلمه وابوها مايدري ومره صار بينهم مشاكل ويوم زعل قالت له طلقني احنا مانصلح لبعض قال ماراح اطلقك بس يمكن بعد سنه من زواجنا اتزوج عليك ويقول لها انتي ماعندك اسلوب لأنه اذا كلمها في مواضيع خاصه تسكت ماتتكلم ويقول الكلام الحلو ماينفع معك ماينفع معك الا الهواش لاني اذاهاوشت يطلع صوتك وتتكلمين....ويمدح زوجة ابوها يقول امي تمدحهاوكل الكلام اللي يقولونه الناس فيها كذب وصديقتي تسب زوجة ابوها عنده وهي فعلا شريره....
البنت الحين وش تسوي تقول لابوها انها تكلمه بس خايفه ابوها يهاوشها او يعلم زوجته لانه مايخبي شي عليها
او تقول لخطيبها ان ابوها يعرف من البدايه انها تكلمه بس خايفه يقول لها خطيبهاليش تكذبين علي ولا تقاطع خطيبها ماعاد تكلمه تكفووون وش الحل والنصايح لها هل اذا قالت له عن مشاكل اهلهاصح ولالا؟؟؟؟
ارجو الرد بسرعه لانها تنتظرني
10
1K

يلزم عليك تسجيل الدخول أولًا لكتابة تعليق.

تسجيل دخول

دنيا العجايب1
دنيا العجايب1
رفع
dianah840
dianah840
اولا هي تعمل اي شي من ورا ظهر اهلها غلط بغلط وهي اكبر دليل لساتو خطيبها راح عايرها انو بتحكي من ورا اهلها معاه يعني بكره ممكن تعمل نفس الاشي مع غيرو (((هاي قاعدة اساسية جداااااااا عند الشباب زي ما حكت معي بتحكي مع غيري--عقول مريضة)))

بس بما انها صارت تحكي معاه وخلص وحسب وصفك لكلامها عنو بنظري هدا انسان شخصيتو سيئة جدا واسلوبو زي النسوان ما الو غير نقل الحكي والتدخل هو شو الو بخالتها ولا عمتها ولا اختها يعني كتيييييييييير عيب يحكي هيك او يعلق هيك بعدين تترك الدراسة ليش؟ مش شرط ومكتوب بالعقد شهادتها سلاحها ابدا ابدا ابدا ما تفرط فيها وخصوصا اذا راح ترتبط بهيك واحد لانو الصراحة ما الو امااااااااااان ابدا واكبر دليل او اعد بهددها انو راح يكرهها فيها يعني راح ينكد عليها ليل نهار والغيرة ما الها دخل هدا اسمو حب التملك بس تكون الو وبس
ومن هلا طلاق وما طلاق وبهدد انو يتزوج عليها يعني لسه ما تزوجو وهيك بحكي هدا مش بعيد بعد اقل من سنة يتزوج عليها
انا برايي تحكي لامها وامها هي الي تحكي لابوها ومش مشكلة خليها تتبهدل احسن ما يجي واحد يعايرها انو كانت تحكي معاه من ورا اهلها اصلا مش بعيد انو ابوها كمان ينصدم بخطيبها انو كيف يتجرا يتعدى على حرمة بيتو ويحكي مع بنتو من ورا ظهرو وما عمل أي حساب لاهلها وتحكيلو انو ابوها كان يعرف من زمان وهي بنت عالم وناس وبتعرف بالاصول وما بتعمل شي من ورى اهلها

انا هدا رايي والله يوفقها للي بتختار
رواية جرووح
رواية جرووح
بصراحه غلطانه ليه تقولو عن مشاكل اهلها راح يعيرها تانيا هدا مايتعاشر وحق كلام نسوان والافضل تستخير كتير وتبطل تكلمه تقولو ابويه عرف انى اكلمك وقال اقطع المكالمات والله يكتبلها الى فيله الخير
sarh2006
sarh2006
نصيحة لها لا تعلمه بمشاكل أهلها ودايما تمدحهم وترفعهم فوق وتحسسه انهم عزوتها وانها تحبهم جدا وغير كذا تكون شخصيتها قوية ما ترضى على أهلها الكلام والنقد ترى الرجال يحترم المرأة اللي تحترم أهلها
*ركاز*
*ركاز*
تقول لأبوها ولاتتاخر هي بيت ابوها وهو المسؤل عنها حتى لو زعل ابوها تعتذر تحب راسه ويديه لين يرضى حتى لو ابوها قال لزوجته عادي لاتخاف اهم شئ ابوها يدري عن كل شئ ولاتكلمه خطيبها ابد وتستخير وتكثر من الدعاء الله يسر امرها ويسخرها حبايبها