al3ssal @al3ssal

عضوة نشيطة

تكفوون وش مرض اخوي وهل له علاج اولا

بقولكم يابنات عن مرض اخوي اول شي اخوي الحين عمره تقريبا اربعين والحاله ذي جته من 12 سنه تقريبا اول شي بدى ينسى خاصه بنات خواتي يقول من ابوهن وبعدين تطورت الحاله وتغير حتى شكله كان ملك جمال بس تغير جداا عيونه طلعن لبرى عاد ابوي واده لمستشفى الصحه النفسيه وصارو يعطونه مهدئات الى يومكم هذا.. واحد من اخواني يقول اكيد كان يتعاطى مخدرات او حشيش بس معقوله تسوي كذا لانه اندمر تمام وصار شخص ثاني كان يصلي وترك الصلاه نهائي عاد له سنه تقريبا يقول انا الله يكلمني ويقولي سو كذا وكذا وكل مانقوله شي يقول الله يقولي لا تسوي كذا وانا مرجعي الله ومن هالكلاام ويردد الكلمه اكثر من مره وصار انسان مزعج بنات تكفون احد يعرف هالحاله وش وفيه امل بعلاجه او لا ,,ع فكره ابوي وداه لكذا شيخ وماتاثر عادي جدا اللي تعرف لحالته شي او سمعت عن هالحاله الله يخليها تقولي لو العلاج باخر الدنيا نفسي يرجع لطبيعته

يلزم عليك تسجيل الدخول أولًا لكتابة تعليق.

تسجيل دخول

dalya119 • 13 سنة

الله يشفيه والعلم عند الله
إنتم إبحثو وأسألو دكاترة مختصين أو يروح المستشفى
يعملون له تحاليل مختلفة أحيانا نقص أشياء بالجسم تؤثر
على الذهن والتركيز والنفسية
وإذا كان سليم ماله إلا الرقية والإبتعاد عن الوحدة ولا يكون دائما لوحده
وإنتم أرقوه وإجعلو القرآن دائما بجواره ليسمعه
وبالنسبة لعلاجة النفسي إشرفو عليه وياخذه في أوقات محددة مثل ماأمر الدكتور
بمعنى لو تركه فجأة بتدهور حالته وبعد ذلك يرجع له بنفسه أو قد يأخذه بشكل مضعاف
أيضا يؤثر عليه
عليكم بالدعاء له وبالصدقة عنه ضروري وذكر في الحديث ((داوو مرضاكم بالصدقة ))

رعشة خفوق~ • 13 سنة

الله يشفييه يَ رب ..

وآبعدوا عنـه الأدوية النفسية تزيد حآالتة سووء ...
وآهم شي لايجلس بوحدهـ

والله يشفيه يَ ربي ويرجع لكم مثل اول وآحسسن

اللهم آمين ..

شمع دانه • 13 سنة

الله يشفيه
كويس الي وديتوه شيخ يرقيه ووديتوه مستشفى الصحه النفسيه
الحين استمرو راجعو به الراقي والطبيب النفسي وحصنوة وحصنو البيت
وشغلو القرآآآآن دائما
وبالمغرب شغلو سورة البقرة
وبالنسبه لاخوك الي يقول انه احتمال كان يتعاطى ممكن يكون صحيح
لان بعض المتعاطين يفقد عقله والعياذ بالله
اسال الله ان يشفي اخووووك

وحدك أبيك • 13 سنة

ودوه طب شعبي يمكن فيه تنسيم في الراس

ميرة الهم الطويل • 13 سنة

جمالي ماله مثيل :

لا يمكنك مشاهدة هذا التعليق لانتهاكه شروط الاستخدام.

اسال الله العلي العظيم ان يشفيه .

اختي الغاليه ربما كان اخوك يتعاطي حبوب الكابتجون المخدر الذي يجعل الشخص يفقد عقله ويهلوس ونصيحه لك اختي ان تذهبو به لمستشفي الامل وهم هناك يقررون له العلاج ويعلمونكم اذا كان متعاطي لان حالته قريبه من حالة شخص كان يريد ان يذبح امه واخواته والسبب انه كان يتعاطي هذه الحبوب المخدره وقامو اهل الخير بتوصيله لمستشفي الامل واستقبله المستشفي وعطاه ابره وتخدر مايقارب نصف ساعه وبعدها اخذوه اهله واصبح الان ولله الحمد والشكر عاقل ومركز .

وجهة نظري في الموضوع