حاولو في الصلح قبل الطلاق
من الواجب حسبما ما امر الله ان تتم المحاولات والصلح
حكم من اهله وحكم من اهلها
يكلم امها واهلها انهم يحاولون فيها لعل الله يصلح بينهم


وكلام الناس والإزعاج اللي قلتي والشكوك والظلم لا تهتمون فيه ولا تظنون بها الا خير
لا يستعجل يتركها فتره والهادي الله

مشكوؤرين كل الي ردوا وربي ردودكم ونصايحكم تاج ع راسي مبسوطه من وقفتكم معاي.
يابنات هي وخواتها قريبين مررره من اختي وارسلت اختي لاختها عشان تعرف لو فيه سبب ثاني بس تقول مافي سبب.
اخوي بصراحه من قبل قد اشتكي منها في حاجتين انها لاراحت لاهلها وهو مسافر دوره عمل تطلع مع اهلها بدون شوووره مع ان الكل متاكد انه مارح يرفض بس هي مو مهتمه لامره.
وبعد موقف ثاني انها قفلت الباب بوجهه في استراحه كان الكل متجمع من اعمامي وهو سكت وعداها بس باقي بقلبه.


هي اليوم اللي زعلت فيه كان يوم ميلادها وبنفس اليوم ذكري زواجها. وطلبت امي من اخوي اغراض للبيت لكن امي ماتدري عنها ابد.
ويوم راح لها البيت طلبت من اخوي تطلع تتمشي وتتعشي برا عشان يوم ميلادها. لاحظوا قالت عشان ميلادي. ولاذكرت ذكري زواجها.
وقال لها اخوي هذه الاشياء حرام وانا ماعترف فيها وغير كذا والله اني مشغول وهي في نيته ورب الكعبه انه ينزلها جده ايام الويكند بس مخليها مفاجاه.
ويقول انا مقهور انها تذكرت عيد ميلادها وتبي تحتفل فيه ولافكرت تحتفل بذكري زواجنا
واصلا يقول لي سسسنه شمعه ماولعت وربي
المهم هي زعلت وصار بينهم هواش وكذا وطلع اخوي من البيت وخلص اشغاله ووقت العشا جاب معاه عشا وهديه قيمتها 700 ريال وحاول يراضيها وكلمها بس مااااتبي ترضي. يقول والله حاولت فيها مابقيت كلمه ماقلتها بس بدون فايده. وطلع من البيت وهي راحت لاهلها واخذت عفششها كلللله وربي مابقت ولاشي لامن ملابس ولاعطور ولا اكسسوارات.


وبعد ماراحت لاهلها ترسل لاخوي انا رحت وطلقني ومن هالكلام.


اما للازعاجات اخوي مررررره ماعطاها اهتمام لو بيعطي كان عطاها من زماااان. بس مايهتم لانه واثق بحرمته وعارفين المنافقه هذه بس الارقام اللي تطلعها مجهوله يعني وقت الازعاج ويتقفل الرقم.


واللي تسال كم عمرها مدري كم بالضبط بس يمكن 19 او 20 لانها درست سنه فقط بالجامعه ووقفت.
واخوي اكبر منها بثلاث سنوات تقريبا.


صح بعد نسيت هي زعلانه بعد تقول ان اخوي منعها من الجامعه هو صح هددها انه يمنعها لان اخوي يقول مررره مهملتني بالبيت لاتطبخ ولاتسولف بس نوووووم وعلي الجوال وتسهر الليل كله وماتصحي الا عصر يعني مافكرت فيه
واذا قال لها اخوي اطبخي الشي الفلاني طبخت واذا ماقال ماتطبخ شي.
وقام قال لها اذا جلسس نظامك كذا ترا جامعه مافي كان مجرد تهديد ولافكرت بكلامه عادي.
وهذا كل شي علي فكره اخوي راح لشيخ وقاله فيك عين وحسد وحسد قوووي. وعطاه علاجات وقلنا لها تروح هي بعد تتعالج رفضت تقول مافيني شي.

عمرها صغير وانا اصدق سببها واصدقها بكلمتها لاختك انتي تصبرين على الحبسه انا ماصبر


البنت مدلعه عند اهلها ودخلت الزواج بقاعدة ( زوجي مثل بابا) يسوي اللي نبي وان زعلنا راضانا ولايشيل بقلبه ويعطي ولا يبي منا شي


انصدمت بالزواج فيه حرمان ومسؤوليات واشياء هي ماتوقعتها او بالاصح ماعرفت انها مو قدها الا بعد ماجربت


وزيدي عليها السناب والانستغرام مانشوف الا الجانب الوردي من حياة الناس فهي غارت فوق دلعها اول وتحطمها من الزواج زاد عليها السنابات


طلبتي نصيحه صحيح.. لو يقدر يصبر كم شهر يخليها عند اهلها وهم بالغالب ماراح يعاملونها مثل اول واتركوها لاتكلمونها هي من نفسها يمكن تشتاق لبيتها وزوجها وتتواصل معه


اما كذا الكل يحاول يراضيها بتصدق انها على حق وبتكابر اكثر اسفهوها واطلبي من اخوك يبطل يكلمها فتره


لو بقت على نفس قرارها فخلاص البنت عايفه سواء لهالاسباب التافهه او انها ماتقبلت اخوك من الاساس


والله يكتب لهم الصالح بأمرهم

👍🏻👍🏻اذا استشاركم قولي له الامر يرجع لك شوف ايش يناسبك لاتدخلي يمكن بينهم شيء رجال ويدبر نفسه بعدين تكوني ضالمتها اذا تدخلتي

الوحده فينا تحتاج تغيير جوو ترى تسكير الباب علينا تجيب الاكتئاب والمفروض اخوك يراعي زوجته ويطلعها من وقت للثاني لو مشوار سوبر ماركت او نصف ساعة زمان تحس بالدنيا حولها ,
وسالفة الازعاجات عادي الان الناس صارت ما تخاف الله بس يشوفون ناس متزوجين يبدون يشتغلون على التخريب بينهم
رايي اذا اخوكم شاوركم قولوا له : تفاهم معها وحلوا مشاكلكم ومهما كان هذي بنت عمك واذا تبي تطلع وش فيها طلعها ووسع صدرها
خلوكم محضر خير
وسالفة الازعاجات طنشوها تماما