بالنسبة للنوادي كثيره في الرياض واشهرها
1- نادي رياضي ومسبح في المناهل اجهزة كويسه وتوهم مجددينها الشهر اللي فات كنت مسجله ممتاز وعندهم حصص رياضه مع مدربات مره تفيدك بس وش اللي ضايقني اكثر شي ان مركز المناهل بعيد مره عن البيت ولا تراه زين
واسعاره خمس وستين اعتقد في هالحدود اشتراك الشهر هذا فتره الصيف مدري اذا الايام العاديه يرفعون السعر والمسبح لحاله الاشتراك تقريبا مثل سعر الرياضه..
2- الملتقى قمه وراقي والرياضه فيه ممتعه ماسجلت فيه بس رحت وشفته واعرف كثار يمدحونه واسعارهم بعد في الصيف بحدود الخمسميه ماعندهم مسبح حصص رياضه واجهزة بس

3- مركز سلمان مشهور مره وعندهم كلش مثل ماقالت الاخت قرقعه عنهم بس وازين مايعجبني عندهم المضمار مضمار المشي عندهم مره روعه ماتلقين هالمضمار في اي النوادي لانه كبير وتمشي في الهواء الطلق وممتع المشي فيه بس وش اللي يزعجني فيه انه دايم زحمه بحكم انه مركز عام فيه دورات ونشاطات وندوات ومحاضرات وحفلات
واسعارهم مره زينه بالنسبه للمراكز الثانيه

4- عندك النادي حق مركز التخصصي الطبي اللي اول طريق الملك فهد مكان راق وجديد ورايق مره اللي تحتهم دايت سنتر وهذا اتوقع اغلى المراكز لانه جديد وفخم اذكر اني سألتهم عن السعر قالو بحدود الالف الشهر مدري عن اسعارهم في الصيف

5- عندك مركز رسان الطبي عندهم نادي ومسبح واسعارهم بحدود الخمسميه وهو مركز جيد ولا فيه زحمه كانو خواتي مسجلين فيه ويمدحونه .

6- عندك النادي حق مركز اوباجي نادري رايق وممتع التسجيل فيه واسعاره اذكره قبل كم سنه بحدود السبع ميه ما اذكر كان عندهم مسبح

هذي هي اشهر المراكز اللي اعرفها واذا تبين ادور لك زياده ابشري واذا تبين اعطيك ارقامهم ايضا علميني ارسلها لك بالخاص

بنات لقيت مدربة تقول اجيلك البيت

بحدود 1500 ريال للشهر بمعدل 12 جلسة

ولو كنا اكثر من وحدة يقسم المبلغ علينا

وشرااااااايكم

:27:

مرحبا اختي حنين الماضي
حبيت اساعدك لكن ماقدرت
:27::

لعيونك ولكلامك الحلو دخلت انا من الشرقية بس سمعت بنادي مشهور برياض اسمه اعتقد المناهل وياليت اقدر افيدك اكثر :26:

عنووووووووووووووووووووووووده الحقيني بالارقاااااااااام اتمنى ماتتاخرين