تكفووون..اللي عالجت اسنان بنتها اوولدها تحت التخدير الكامل تدخل

لا تخافي حبيبتي انا مريت قبلك بهالشي والحمدلله ارتاحت بنتي مررره بعد العمليه
بعد ما طلعت التحاليل وكل شي تمام
دخلنا المستشفى الساعه 7 الصباح واخذنا غرفه وجت الممرضه ولبست بنتي ام ثلاث سنوات ملابس العمليه و كلوت بس
و الساعه ثمانيه رحنا كلنا معاها الين باب غرفة العمليات وكانو الممرضات يلاعبونها ومعاهم بلونات
وهم يلاعبونها دخلوها الغرفه ونوموها ع السرير وكانت معاها بلوونه زهريه اه ياقلبي عليها بهذيك اللحظة كنت بموووت خوف عليها وسمعتها تبكي وبعدين سكتت من البنج طلعونا برى ننتظر بالسيب واستغرقت العمليه ساعه كامله مابين خلع وحك وتلبيس
و عالساعه 9 طلعت الممرضه تنادينا ودخلنا قسم العمليات لقيناها صاحية من البنج و تبببكي و تهذري وتخبص بالحكي فديتها
و جابوها للغرفه واحنا حوالينها هي تبكي وانا ابكي معها من قلب
ومره تنام ومره تصحى كانت لسه دايخه من البنج
وابد على الساعه 12 جت الدكتورة كشفت عليها وتطمنا و كل شي تمام
وجابو لها جلي و ايس كريم عشان يوقف الدم من فمها واكلتهم وكتبو لنا خروج على الساعه 2 وبس
واعطتني الدكتورة مضاد حيوي مع بروفينال مسكن للالم
ويومين والحمدلله كل شي تمام

كانت تجربه مخيفه للام بس الحمدلله اجر وعافيه

مشكورة اختي اشهاد..
ولو ان الخوف بدا يدب فيني بزيادة وشلون هو ياعين امه.. لكن يكون عندي معلومات احسن من اني اروح وانا مااعرف شي.
يااااارب هونهااااااا علييييييييييينا..ياكريم

عادي ياعمري العملية بسيطة وراح يرتاح بعدها على طول ولدي سواها في مستشفى الحرس خلعو ملابسة ولبسوة لبس العمليات استغرقت العملية ساعة وماجاء وحدة الظهر الاواحنا بالبيت لا تخافين

الله يطمن بالك يااخت..ملح وسكر22
بس لو تشوفين كيف سوا بيوم التحليل كان عذرتين. واعدته بحفلة وتوزيع لفصله اذا وافق على اللي نقوله وقال خلاص اسوي التحليل واعالج اسناني بس بدون ابرة،
...جاء يوم التحليل وعيا ينزل من السيارة وبعد جهد جهيد خلص من التحليل وباقي الموعد مع الدكتور الاسبوع الجاي نشوف وش يقول
الله يسهل ان شاء الله