تكفووون ابغي اراي حكيمه لانها بتحدد مصيري

السلام عليكم ورحمه الله وبركاته 

تكفون ي بنات ابغي آرائكم في مشكلتي بس اول شي أبغاك تحطين نفسگ مگاني 
انا تزوجت لي سنتين في البدائه ماكنت ابغي زوجي بس وافقت عليه هروب من ولد عمي لانه يبيني وأول ماخطبني ولد خالتي وافقت علشان ابوي مايعطيني ولد عمي وتم كل شي وملكت وبعد سنتين تزوجت والحين لي سنتين متزوجه وأول سنه مع زوجي كانت سعاااااده وربي حبيته لان هو خلاني احبه فيه صفات حلوة اما بدايه السنه الثانيه زوجي دخل المستشفي وتنوم وانا كنت عند اهلي ولما عرفت جئت لان اهلي بمنطقه ثانيه المهم طلع عنده اضطراب وجداني (مرض نفسي)حاله اكتئاب حاده اخذ أسبوع وطلع ومتحسنه حالته جداً (صحيح نسيت اقول زوجي حياته مع أهله صعبههه 
هما يستغلونه علشان يخدمهم ولما بغي يحط الزواج بعدالملكه قالو الزواج عندنا يحط معروف الزواج عند اهل العروسه بس ايش جاهم ماادري يبوني انا اجيههم المهم كلمو ابوي وصارت مشاكل فقال ابوي اذ كذا يجئ الولد ويحط عشاء بسيط ويأخذ عروسته وبس وانا كلمت زوجي وقلت له ليش كذا ليش المشاكل فيه عادات وتقاليد وتكلمت معه ساعتين يمكن وأساس هو يبغي الزواج عندنا لان هذا الصح بس اخوانه وأبوه رفضو المهم تدخلو اخواني الكبار وحظر الزواج عندنا بعد الزواج جات مشكله انهم يجددونها في اي شهر خطوه بعد الاختبارات علي طول انا كنت بثالث ثانوي كيف اجهز وهذي ليله عمري تعرفون اهتمام بالبشره الشعر الجسم تجهز الملابس المهم رفضت وقلت له ايش القصه كل مره مشكله هذا زواج مو تحدي ألمهم عصبت عليه مرةةة صراحه من حقي وهو راح ل اخوه اللي سبب كل المشاكل لانه يغير ابو زوجي عليه ويخلي ابٓوه يسوي كذا وتعاون هو وأخوه قال اخوه ماراح اخظر زواجك قالو اطلع منه لاتجي في النهايه أجلت الزواج كان ب 7وحطيته 10 وصار الزواج الحمدالله بس من حقدهم علي وربي كان بقاعه زفت حتي مكياجي  خرب لان بصراحه ماساعدو زوجي اخوانه علي الرغم اخوه الكبير اللي سبب كل المشاكل كان زواجه قدامنا بشهر 4اخذ الثانيه كان في قاعه وقناه أصور الحفل يعني كان فرق بين زواجه وزواج زوجي علي الرغم زوجي اول مره وهو الثانيه وبعدين صارت مشكله البيت كانو بييسكنوني  بغرفتين بس انا رفضتتتت وقلت اذ صار عندك بيت كامل تعال أخذني وراح واستأجر لي شقه واثاثنها) معليش طولت القصه بس لزم التفاصيل 
تم زواجي والسنن الأوالي كان فيه تفاهم كبير بيننا بس أهله كانو يضغطون علي وعليه انت متغير زوجتك ماتزورنا انت فيك وفيك وبس انتقادات ويدعون عليه وهو يتهاوش معاهم بعد علي الرغم انه كتوم وهادي بس يعصب وانا أهدي فيه اذ جئت البيت وهو مرررررة يحبني والكل يعرف هذا الشي ومره متعلق فيني بس في السنه الثانيه من زواجي لما صار معه الاضطراب الوجداني ممكن اغلب السبب الضغط النفسي لان احس اهله مايحبوه وممكن عين لان راح لشيخ وقال انو عين مع حسد قوي ممكن لان اذ رحت لمكان اكشخ مره وحريم  اخوانه يقولون ليش يدلل زوجته ووحده قالت لي يحظ زوجك فيك جمال وتعليم وأسلوب سكت عنها بس الحين انا تعبانه من مرض زوجي تجيه حالت اكتئاب حاده وسواس حياتي تغيرات 180درجه صارت كلها مشاكل معه ونفسيتي تعبت بعد قولو لي وش اسوي هل اتركه وانا ماقلت ل اهلي انو زوجي مريض لأنو راح يأخذونيي أكيد وأخاف يزوجني اي احد بعدين 
انا زوجي يحبني ومو مقصر علي بس الحين بيننا مشاكل كثير وأخاف بكره تزيد اذ جبت اولاد وأخاف مرضه يزيد وما يشفي خايفه ومتشتته انصحوني ايش اسوي هو الحين يروح للمستشفي عند دكتوره نفسيه ويتعالج وفيه تحسن كبير بس انا خايفه انو حالته تنتكس لان هو في البدائه استمر علي العلاج شهرين وتركه بدون استشاره الطبيب وانتكست حالته ورجع له وقالت له الدكتوره ماتتركه كذا لزم اول شي ننقص الجرعات تدريجي لان العلاج قوي 

معليش طولت عليكم بس تكفون ابغي نصيحه  من قلب اعتبروني أختكم