تكفووون احد يفسر لي سلوك شخصية هالزوج

ببتدي من الوسط
زوجي قبل الخطوبه كانت له علاقات سطحيه بفتيات و بعد الزواج ما انقطع عنها كل مره اكتشف انه يكلم بنت بالجوال
بعدها انشغل وصار بزنز ما صار عنده وقت لهذي الامور انا قلت بنفسي الرجال يمكن عقل
المهم زواجنا مر عليه 16 سنه وهالفتره كلمني عن شخص تعامل معاه بالشغل انه دايم يتزوج ويفشل بسبب ان الي ترتبط فيه عن طمع في فلوسه و فجاه اكتشفت ان زوجي له علاقه ع الوتساب وواجهته بقوه ونكر بقووه رغم اني فتحت له المحادثه الا انه مصر ع النكران و عصب و خربها حت ينهرب من الموضع تخاصمنا ولكني اكدت عليه اني حفظت الرقم و بوريها هالبنت وفعلا حصلت الرقم من ناس معاها بالشغل و معلومات عنها الا وهي انها بنت لعوب وزوجي ع حاله مستور ولان قصة صاحبه عجبته فمثل لها انه اسمه سمير وان عنده فلل و شركه فهي جت ع طمع ولما كلمتها تظاهرت انها مؤذبه مع العلم انها متزوجه و مخلفه وبعد تلعب وانها متدري فيه متزوج وووو

المهم زوجي اشوي اشوي يغى يتقرب مني ولما اناقشه يقول لي مره ثانيه ليما صارت الاوضاع عاديه بس الجرح الي بقلبي والحب والثقه ماااااتووو

المشكله الي محيرتني : ان زوجي متدين وما يبيني اسمع اغاني واتستر وهو ما يسمع اغاني و دايم يروح بيت الله و يجالس الشيوخ والملتزمين وفي نفس الوقت يطلب مني ارقص له بنفوتها بس بنفس الوقت يطلب مني اطلع معاه بدون عبايه مجرد شيله و من كم سنه يبيني اطلع معاه و اخلع عبايتي و شيلتي ارفض استغرب طلبه وفي اليوم الثاني يمنعني اسمع اغنيه او اسوي شي غلط
الادهى والامر كل يقول لي من سنه تبي تروحي ديسكو؟؟ كوفي؟؟ قهوه ؟؟
ارفض اخجل من طلبه مع الحاحه قلت بجرب معاه بشوف سالفته وش نيته بيسمح لي لو لا فعلا طلع لي فستان ناعم قصيررر وقالي لبسيه وكنت متعدله و ميك اب وكل شي من قبل و لما طلعنا قالي فسخي عبايتك فرفضت لف بي من مكان لمكان استحي تالي قلت بنفسي تشجعي وسي الي يبيه شوفي يقبل؟؟
تشجعت و خلعت عبايتي و شيلتي وداني الكرنيش بوقت متاخر وفي ناس قليل و نزلت ولما شافني امشي بفستاني و كشختي و بصراحه جسمي مرررره رشيق وهو دايم يقول لي جسمك و لبسك لو يشوفنك بلا عبايه تشدين الانتباه من حلاته ع طول قالي ركبي السياره و ركبت قال وين عادي ديسكو؟؟
قلت براحتك انا متخوفه بس قلت اتشجع واشوف النهايه
وداني دييسكوو فيه فقط 6 او 8 اشخاض و فرقه تغني وجلسنا وقالي تبين عصير قلت لا اخاف من نظافتهم فظلينا اشوي يسولف معي وبعدها طلعنا و مشينا بالسيااااره وكل هذا بلا عبايه ولا غطا المهم تالي لما قربنا لمنطقتنا قال تستري تسترت و خلاص و يوم ثاني الصبح وانا واقفه معاه داخل البيت بيفتح الباب قال اتباعدي لا يمر رجال ويشوفك

متحيره ويا تصرف زوجي ليش يطلب مني ارقص ديسكو بلا عبايه و غطا في نفس الوقت ما يرضى اطلع بلباس اسلامي بنطلون وقميص و غطا يقول لي لازم عبايه و ما يرضى اروح مجمعات فيها رجال وزحمه ايش تفسير هالشي وش شخصيته

الرجا الرد بحكمه وعدم التجريح
ادري خروجي معه بلا غطا وعبايه بينال استيااااء بس بغيت اشوف شي من تصرف زوجي