تكفووون ادخلوو واقرو ماكتبت ابي ردكم!؟

السلام عليكم ورحمة الله وبركاته
اسعد الله مساكم بكل خير ♥️

الله يسعدكم ويحقق كل ماتتمنو ويسهل اموركم ويجبر قلوبكم من يقرا كل ماكتبته انا لاتشوفون موضوعي وتتركونه هامش وتطلعو ربي يوفقكم اقروه كله بتركيزززززز بهدوووء 
وتقول شنو استفدت وشنو الاخطاء الي عندي بتعدلها من بعد هالموضوع تكفووون ابي اكون فاعله خير لكم بغيررر شي في حياتكم



اولا تبون تعيشو حياتكم وتحسو بسعادة استقرار ولحظات حلوه وتحسي الخير يجيك من كل صوب

التزمي بصلاتك بوقتها
اذكار الصباح والمساء واذكار النوم تحفظكم من العين وتحفظك من شر الشيطان اعوذ بالله من الشيطان الرجيم ..
الدعاء بكل صلاة
الدعاء الدعاء الدعاء ليش كررتها لان هي الشي الوحيد الي يفرح الله لما تطلب منه شي واكيد بستجاب لك دعواتك بس احرصي لاتقولي ليش تاخرت لاستجابه خليك واثقه من ربي سبحان وتعالى وعندك يقين تام ان بستجيب لك كل الي تتمنينه
الاستغفار والتسبيح الصلاة الابراهميه الصلاه على النبي سبب في الرزق والتوفيق

الصدقة لو بماء بريال على فقير لو تشوفي عامل تعطينه ماء ذي صدقه
الصدقه ايضاء الاخلاق الحسنه الابتسامة
ابتسمو اكسبو قلوب الناس

الاهم ماجملها ي اخواتي واخواني 
صلاة الضحى يـ بنات جميله
وأقلها ركعتان تسليمة واحدة، وإن صلى أربعًا، أو ستًا، أو ثمانًا، أو أكثر، يسلم من كل ثنتين؛ فكله حسن، والنبي ﷺ صلاها يوم الفتح، صلى ثماني ركعات، يسلم من كل ثنتين -عليه الصلاة والسلام..

فضلها من صلى اثنتي عشر ركعة من صلاة الضحى فإن الله تعالى يبني له بيتًا في الجنة، جاء حديث عن الترمذي أن النبي - صلى الله عليه وسلَّم- قال: «من صلى الضحى اثنتي عشرة ركعة بنى الله له قصرًا في الجنة»، قال ابن حجر- رحمه الله –في كتابه الفتح: "وهذا الحديث له شواهد يتقوى بها"
شي عظيم يـ بنات انصحكم بها الصلاة الضحى

وقيام الليل صلاة الوتر
الوتر جنة القلوب
اوترو يـ بنات خلي خاتمه يومك صلاه لله
ادعي بالي تريدينه من كل قلبك بيقين تام
بخشوع يـ بنات
فضل صلاة الوتر من أحب الصلوات الى النبي صلى الله عليه وسلم فكان يحافظ عليها حتى اذا كان مسافرا، وجمهور العلماء أجمع على انها سنة مؤكدة ولكن لا تقى مستوى الصلاة المفروضة كالظهر مثلا أو العشاء، وهناك رأى أخر قال في صلاة الوتر إنها أفضل من سنة الظهر والمغرب والعشاء ومن تطوعات النهار وصلاة الضحى، فصلاة الوتر من أحب الصلوات ...


صديقات الخير او الصحبه الحسنه
لما تمشي من ناس فيهم خير وتحسي الخير جايك
وابتعدو عن الصديقات السوء الي تتهمك في شرفك
تشوه سمعتك ابتعدو عنهم يـ بنات
الله يصلحهم

.....
الحين بشي مهم شي يخصك انتي ايوه انتي
الحجاب الحجاب يـ بنات انصحكم تتحجبو وتسترون جسمكم
الله سبحانه ورسوله اوصو بالحجاب
اتمني تكون عباياتكم سوداء واسعه ولا فيها شي تزين ومودلات ذي ملفته لرجال الله يهدي بناتنا
حلو البنت لما تستر جسمها تتستر وتخاف ربها
في نقطه حرااااااام تسوونهاااا يا بنات الي هي 
لما تكون عباتك مفتوحها ومسويه كحل وعطرك واصل الشارع بعدين تقولين ليش الشباب يتحرشون فيني
انتي الي لفتي انظارهم انتي الي اخطيتي انتي الي سويتي شي يغضب الله عليه مايجوز التبرج والتزين بالاماكن العامه
حرام يـ بنات ما يجوز
لو تتستري والله ماحد يمر فيك العبايه ستر مو تزين
اتمنى وصلت نصيحتي


والحين بشي مهم جدا جدا جدا
ولدينكم الاب والام شانهم عظيم
بري فيهم اخدميهم اجلسي معهم وسولفي معاهم
وسعي صدورهم
انتبهو لاتلومونهم او اي خطا يجي منهم تصرخي وترفعي صوتك حرام
قال تعالى :"فلا تَقُل لَّهُمَا أُفٍّ ولا تنهرهما وقل لَّهُمَا قولاً كريمًا واخفض لهما جناح الذُّلِّ من الرحمة وقل رَّبِّ ارحمهما كما رَبَّياني صغيرًا".

لما تشوفيهم زعلنين منك اخذي بخاطرهم بوسي راسهم
ترا كثير اقرا قصص بعضهم يبكون الي يقول فقدت امي وابوي يليتهم يرجعون تغانمي الفرصه قبل فوات الاوان خلي وقتك معاهم تقربي الله فيهم

التوبه لله يـ بنات .. توبو لله على اي شي ارتكبتيه بخطا توبي لله قبل كل شي

الحين ذا اهم من المهم تحذيرررر
توبي انك ماتكلمي شباب اولا حرااام يـ بنات
لما تكلمي شاب حرااام  لك عقوبه من الله
الي تطلع مع شباب حراااام وش ذنبهم ولدينك تهزي صورتهم شرفك يروح سويتي فضيحه على نفسك انتبهو لاتجون بهاالطريق انا افضل الزواج التقليدي حب ما بعد الزواج

لايخدعونكم المسلسلات وطبقو زيهم كل تمثيل وبالاخير هم اصدقاء بينهم شغل فني فقط
لاتلعب بروسكم المسلسلات التركيه والافلام والخرابيط بس لاطبقي تقليد مثلهم لاتسوي مثل تصرفاتهم لهم حياتهم وتمثيلهم وانتي لك حياتك لاتقلدي مثلهم عاداتكم وتقاليدكم تختلف عنهم كثيرر 


اذا عرفتي احد لا سمح لله ماوصلتك نصيحتي
يبيك يحبك قول اول تعال طق بابي ويتم عقد قرانا
بعدها اكلمك بالحلال بكذا تصير زوجي
الحين صارت كذا علاقتك حلال واطمن قلبك

لان اشوف بنات كثير تحب واحد هو يتسلا معها هي صدقت انه بجي يخطبها انتي اصدميه بهالخبر
قل اخطبني اول انا بنت رجال مو لعبه تلعب بها


...! مو كلامي صح يا بنات ......!


افضل شي تسوينه اسمعي وش اقول
تبي الشباب ما تقربون لك لاتنظرينهم واعتبريهم ماشفتيهم هالكلام للي تستر نفسها عبايتها سوداء مافيها تزين ماتبي احد يقرب منها ولا يعكسها
انصحك لاتنظرينهم اشتري الي تبينه من السوق مثلا ولاتلتفتي لهم لما تنظريهم قالو انتبهت لنا يالله نلحقها انصحك لاتنظريهم حتى لو انتبهتي لهم من بعيد الله يهديهم يارب

النميمه الغيبه الكذب يـ بنات انصحكم لاتكلمون بعراض الناس خلقت ربي
شفتي فلانه شلون لبسها شفتي عينها شفتي وجها
ليش كل ذا شنو استفدت كلها خلقت الله
ماندري عن ظروف الناس مستواهم
لاتنقلون الكلام وتشويه السمعه يـ بنات مالي مال الناس خليكم بحالكم افضل ليش كل ذا
يويلكم من الله وعقوبته
انصحكم لاتمرون بها الطريق كل ماشفتي حد بها الشي انصحيهم بادري بالخير

الكذب خليكم صادقين مع انفسكم الي حولكم ليش الف والدوارن كوني صادقه بي شي ولاتخبي ولا تكذبي


الحين شي موثررر جدااا
كثر كثر الموت الفجاه او المفاجى
ماقلتي بجي يوم بموت ماستعديتي ما جهزتي شي لحياتك بالاخره ماقلتي هل انا بالجنة ولا بنار والله الدنيا فانيه حياة وتنتهي ويبقى عملك الصالح خافو الله خااااف الله انهو شديد العقاب ونعم بالله
اولا مايسال عنه الصلاة الصلاة

بالاخير اقول اللهم احفظنا واحفظ ابائنا وامهاتنا واحفظ اعراضنا واسترنا فوق الارض يوم العرض تحت الارض يا سميع الدعاء
واقبل توباتنا ودعواتنا وصلاتنا واغفر لنا يارب انك انت الغفور الرحيم

بنهاية

اتمني قبلتو نصيحتي وقبلتوها بصدر رحب
وكلي امل انكم طبقون كل ما سردته هنا لاجلكم انتم حبيباتي باذن لله بتتغير حياتكم للافضل بتشوفو كيف التغير اسعدكم جمل حياتكم
بتدعولي بعد ماطبقون كل ما كتبته

اتمنى من اعماق قلبي تردون بتعليقات تسعدني
واتمني يكون كلامي جاء بمحله
قولو لي شنو استفدتو تكفون ذا يسعدني والله
الاخطاء الي بحياتكم حبين تعدلونها بعد هالكلام
قولوها هنااا وبكون مبسوووووطه ☺️🤗

لاتنسوني من دعواتكم لاختكم الصغيرة بالتوفيق والحياة السعيدة ❤️

احبكم في لله ..