تكفووون بنات بسرعه ردوا بكره اسافر

السلام عليكم ورحمة الله


انا بكره رايحه الرياض واناويه اسوي ليزر فل بدي عند اوباجي بس لما ابحث بالانترنت ما احصل احد متكلم عنه
ابد

وكل المراكز الي اسمع عنها الاستشاري والزلال وغيرها بعد نسيت اسمائها بس ماحد قال شي عن اوباجي

انا كلمتهم قالوا لي فل بدي بــ 5000 كلما كل شي

وانا عن نفسي اشوف تجربة الوالده سوت عند اوباجي بس زمااان قبل خمس سنين يمكن ومن اول جلسه ماشاء الله ماطلع لها شعر غير يمكن بعد 6 شهور طلع نااااعم وبأماكن متفرقه وشي صار مثل الصلعه يلمع خخخخخ


المهم وسوت جلسه ثانيه بعد سنه يمكن وماشاء الله الحين مابها شي وهالكلام قديم

بس خفت اسوي عندهم من كثر ماقريت مواضيع ولا احد جاب طاري اوباجي بشي:D


تكفووون ساعدوني من سوت ليزر واستفادت؟؟؟ ووين سوته وبكم ؟؟؟ واسم الدكتوره لاهانت ؟؟؟ وش الاثار اللي صارت بعد الليزر اذا كان فيه


بليييز لاتطنشوني بكره سفرتي وماريد اسوي غير بالرياض لأن مراكزها احسن ان شاء الله :06: لاتطولوووون انتظر ردودكم