تكفووون حلوا لي هالمصيبة

السلام عليكم ورحمة الله وبركاته
خواتي ومن غير مقدمات تو قبل شوي وانا اتصفح تويتر يااااعلها ماعادت من تصفح
عادي انا اتابع اللي عندي واتابع اللي يتابعونهم وهكذا ..لحد ماضغطت يدي وجوالي لمس ياعله ماعاد من لمس وضغت على اضافة وحدة حاطه اسمه مره مره وصخ :06:
وأروح ابي الغي المتابعة ويعلم الله الواحد الأحد ماتعمدت ولا فتحت اصلا صفحتها لامن قريب ولا بعيد
وأروح على ملفي مدري وش يسمونه اشوف اللي انا ضايفتهم الا مرتزة أول وحدة وراروح ابي ألغي المتابعة عيى هالزفت الله لايبارك فيه
المشكلة انه زوجي اي شي اسويه في تويتر واي مشاركة يشوفها وفاتح في جواله نفس صفحتي عندي في جهازه
اكيد الحين شايف اسمها من ضمن اللي انا اتابعهم والله العظيم اصبعي ضغط على اسمها لاعااااااااااااااااااادت
احاول من اليوم احذف متابعتها عيى ينحذف وش اسوي
دايم احل لكم واطبطب عليكم ساعدوني تكفون
ماني خايفة من زوجي لانه صار اللي صار انا ماابي عيالي يفتحون تويتر ويشوفون هالعرب اللي انا ضايفتهم عندي ومن ضمنهم هالحيوانة اللي ماعرفت تختار لها اسم مثل الناس
اللي تعرف طريقة ياليت تقول لي عليها ولاحول ولاقوة الا بالله وحسبي الله ونعم الوكيل :06: